"Mançester Ýunaýtediň" portugaliýaly hüjümçisi Kriştianu Ronaldu Angliýanyň premýer-ligasynyň 33-nji tapgyrynda "Norwiç" bilen bolan oýunda görkezen het-trikinden soň, bonus görnüşinde 1,1 mln-dan dollardan gowrak (850 müň ýewro) pul alar. Bu barada The Sun gazeti habar berýär.
Duşuşyk 16-njy aprelde Mançesterde "Old Trafford" stadionynda geçdi we ýer eýeleriniň peýdasyna 3:2 hasap bilen tamamlandy. Ronaldu üç gol geçirdi (ýedinji, otuz ikinji, ýetmiş altynjy minutlarda).
Şu möwsümde Ronaldu "Mançester Ýunaýtediň" düzüminde ähli turnirlerde 21 gol saldy. 20 pökgi belgisinden geçen portugaliýaly oýunçy şertnamadaky bonuslar hakyndaky bölümçäni işjeňleşdirmäge girişdi - munuň üçin ol 750 müň funt sterling (979 müň dollar) alar. Üstesine, ýene 100 müň funt sterlingi (130 müň dollary) oňa het-triki üçin bererler..
Bonus işjeňleşenden soň, Ronaldu indi her goluna 100 müň funt sterling alar, eger 37 ýaşly hüjümçi möwsümde Mançester Ýunaýtediň iň gowy bombardiri bolaýsa, onda ýene 1 mln funt sterling (1,3 mln dollar) onuňky bolar.
