Günorta-Afrika Respublikasynda suw joşgunynyň pidalarynyň sany 443-e ýetdi

  • 17.04.2022 21:32
  • 15k+

Günorta-Afrika Respublikasynyň (GAR) günorta-gündogarynda ýerleşen Kwazulu-Natal welaýatynda weýrançylykly suw joşguny netijesinde heläk bolanlaryň sany 443 adama ýetdi diýip, Kwazulu-Natalyň Hökümetiniň ýolbaşçysy Sihle Zikalala ýekşenbe güni habar berdi.

«Häzirki wagta çenli pidalaryň sany 443-e ýetdi, 63 adam dereksiz ýiten hasaplanylýar» diýip, ol brifingiň dowamynda belledi. Ony ýerli eNCA  teleýaýlymy görkezdi.

Günorta Afrikanyň polisiýasy, harby gullukçylary we halas ediji-meýletinçiler olary gözlemegini dowam edýärler.  

Suw joşguny netijesinde Kwazulu-Natal welaýatynda 4 müň töwerek administratiw binalar we jaýlar ýumruldy. 13,5 müňden gowrak öýe zyýan ýetirdi. Şu hepdäniň içinde Günorta Afrikanyň Kwazulu-Natal welaýatynyň käbir böleklerinde 48 sagadyň dowamynda 450 mm-denem köp ygal düşdi, bu Durbanda kadaly ýagdaýda ýyllyk düşmeli 1009 mm ygalyň takmynan ýarysy diýmekligi aňladýar.


düýn 12:59
10k+

Kamçatkada 8,7 bal ululykda güýçli ýertitreme boldy. Ol 1952-nji ýyldan bäri iň ulusy

30-njy iýula geçilen gije Kamçatkanyň (Russiýa) kenaryndan 161 km uzaklykda 32 km çuňlukda 8,7 bal ululykda ýertitreme bolup geçdi. Bu 1952-nji ýyldan bäri iň güýçli ýertitreme boldy diýip, Russiýanyň Ylymlar Akademiýasynyň Geofizika gullugynyň şahamçasynyň metbugat gullugy habar berdi...

28.07.2025 12:35
7.6k+

Türkiýede tokaý ýangynlary sebäpli 1700 adam göçürildi

Türkiýäniň birnäýe welaýatlarynda uly tokaý ýangynlary bilen göreş dowam edýär. Ýangyn tokaý massiwlerini, ýaşaýyş zolaklaryny we oba hojalyk ýerlerini gurşap aldy diýip, Anadolu agentligi habar berýär. Hususan-da, Bursa, Antalýa, Izmir, Bilejik welaýatlarynda, şeýle-de Uşak, Mersin we Diýarbakir sebitlerinde ýagdaý has çylşyrymly...

18.07.2025 23:58
9.7k+

Lawa derýalary we iki kilometrlik jaýryklar: Islandiýada uly wulkan atylmasy bolup geçdi

16-njy iýulda Islandiýanyň günorta-günbataryndaky Reýkýanes ýarym adasynda Sundhnukur wulkany atyldy. Bu ýarym adada ozal 800 ýyllap ýatan wulkanlaryň 2021-nji ýyldan bäri 12-nji atylyşy boldy.  Ýokaryk böwsülip çykan lawa uly jaýrygy emele getirip, üç inedördül kilometrden gowrak ýere akdy...

16.07.2025 12:42
8.1k+

Ýaponiýanyň Tokara adalarynda 3 hepdäniň içinde 2000-den gowrak ýertitremesi bolup geçdi

Ýaponiýanyň uzakdaky Tokara adalarynda soňky üç hepdäniň dowamynda 2000-den gowrak ýertitremeleri bolup geçdi. Käbir ýer yranmalarynyň magnitudasy 5 baldan geçdi. Bu barada Ýaponiýanyň Meteorologiýa guramasy habar berdi...