Marca: Mbappe şu hepde “Real” bilen şertnama baglaşar

  • 14.03.2022 15:59
  • 9.8k+

“PSŽ-niň” hüjümçisi Kilian Mbappe Madridiň “Realy” bilen şertnama baglaşmaga ýakyn. Bu barada “Marca” neşiri habar berýär.

Çeşmäniň berýän maglumatlaryna görä, “Real” 23 ýaşly fransiýaly oýunçy bilen şertnama baglaşmagy indiki anna gününe çenli tamamlamak isleýär. Mbappeniň “PSŽ” bilen şertnamasynyň möhleti bolsa şu tomus tamamlanýar. 
Soňky günler taraplaryň arasyndaky gepleşikler hasam işjeňleşdi we bu öňümizdäki hepdäniň ortalarynda ähli resmileşdirme hereketleriniň ýola goýuljakdygyny görkezýär. Şol bir wagtyň özünde, Mbappeniň Fransiýanyň çempionatynda rahat oýnamagy üçin şertnama barada möwsümiň ahyryna çenli resmi taýdan habar bermek göz öňünde tutulmaýar.  
KHBS Kilianyň “Realdan” topara goşulandygy üçin 60 – 80 mln ýewro möçberinde bonus aljakdygyny belleýär. Hüjümçiniň Madrid klubunda zähmet haky hem bir möwsüm üçin, takmynan, 25 mln ýewro bolar.
Ýatlap geçsek, “PSŽ” Çempionlar ligasynyň 1/8 final oýnunda “Realdan” utuldy (öýde 1:0, myhmançylykda 1:3) we ýaryşdan çykdy. Bu oýunda parižliler üçin iki goly Mbappe geçirdi.
Häzirki möwsümde Mbappe “PSŽ” üçin ähli ýaryşlarda 35 oýna gatnaşyp, 25 gol saldy we 17 netijeli geçirim etdi. 


düýn 20:55
5.7k+

UEFA klub ýaryşlarynyň pleý-off tapgyryna üýtgeşmeleri girizdi

2025/2026 möwsüminde UEFA-nyň klub ýaryşlarynda pleý-off tapgyryna degişli täze üýtgeşmeler güýje girer. AS neşiriniň habar bermegine görä, indi Çempionlar ligasynda, Ýewropa ligasynda we Konferensiýalar ligasynda öýdäki we myhmançylykdaky oýunlaryň geçiriliş tertibi bije çekişme arkaly däl-de, toparlaryň toparlaýyn tapgyryň umumy tablisasynda eýeleýän orunlary bilen kesgitlener...

düýn 18:17
9.5k+

FIFA milli ýygyndylaryň reýtingini täzeledi: Türkmenistan iki orun ýokary galdy

Türkmenistanyň milli futbol ýygyndysy Halkara futbol federasiýasynyň (FIFA) täzelenen reýtinginde iki orun ýokary galdy. Indi topar 1092,4 bal (+16,27) bilen 140-njy orny eýeleýär. Türkmenistanyň milli ýygyndysyna sanawdaky ornuny ýokarlandyrmaga 2027-nji ýylda geçiriljek Aziýanyň kubogynyň saýlama ýaryşynyň oýnundaky ýeňiş kömek etdi: 10-njy iýunda topar Tailandyň milli ýygyndysyny 3:1 hasabynda utdy...

düýn 14:09
11k+

Karlo Ançelotti salgyt tölemändigi üçin bir ýyl tussaglyga höküm edildi

Madridiň Ýokary kazyýeti Madridiň “Realynyň” öňki baş tälimçisi Karlo Ançelottini salgyt tölemändigi bilen bagly iş boýunça bir ýyl tussaglyga höküm etdi. Bu barada kazyýet çözgüdiniň tekstine salgylanyp, TASS habar berýär...

düýn 14:06
4k+

Apellýasiýa kanagatlandyryldy: «Liona» Fransiýanyň 1-nji Ligasynda galmaga rugsat berildi

Fransiýanyň «Lion» futbol kluby ýurduň çempionatynyň ýokary ligasynda galmagy başardy. Milli administratiw gözegçilik departamentiniň (DNCG) topary 2-nji Liga düşürmek baradaky kararyna garşy berlen apellýasiýa kanagatlandyryldy...