Habib Nurmagomedow UFC-niň Şöhrat zalyna girizildi

  • 07.03.2022 08:15
  • 15k+

Russiýanyň garyşyk başa-baş söweş boýunça 33 ýaşly pälwany we UFC-niň ýeňil agramdaky eks-çempiony Habib Nurmagomedow promouşeniň Şöhrat zalyna girizildi. Bu barada UFC-niň Instagram sahypasynda habar berilýär.

"Bürgüt UFC-niň Şöhrat zalynda ýerledi. UFC-niň Şöhrat zalynyň 2022 ýylda ilkinji bolup üstüni ýetiren pälwan bolmagy bilen Habibi tüýs ýürekden gutlaýarys" - UFC-niň metbugat gullugynyň neşirlere beren teswiri şeýle ýaňlanýar.

Bu waka UFC 272 turniriniň dowam edýän pursadynda bolup geçdi, şonda Umar Nurmagomedow birinji tapgyrda Braýan Kelleherden üstün geldi.
UFC-niň Şöhrat zalynda aýratyn tapawutlanan türgenler bellige alynýar. Oňa guramanyň we sportuň ösüşine ykbal çözüji täsirini ýetiren adamlaryň atlary girizilýär. Nurmagomedow UFC-niň Şöhrat zalynda Russiýanyň ilkinji wekili bolar.
Ýadymyza salsak, Nurmagomedow karýerasynyň soňky söweşini 2020 ýylyň oktýabrynda geçiripdi, şonda UFC 254 turniriniň ikinji tapgyrynda "üçburçluk" demikdiriji usulyny ulanyp, Jastin Getjini ýeňipdi. Söweşden soň russiýaly pälwan garyşyk başa-baş söweşdäki çykyşaryny tamamlamak kararyna gelendigini yglan edipdi. Onuň hasabynda MMA-da 29 tutluşykda 29 ýeňiş, şol sanda UFC-de 13 tutluşykda 13 ýeňiş bar. 


24.07.2025 14:24
9.9k+

Dwalişwili, Ankalaýew, Prohazka... UFC 320-de boljak üç esasy söweş yglan edildi

UFC-niň metbugat gullugy 4-nji oktýabrda Las-Wegasda UFC 320 ýaryşynyň çäklerinde geçiriljek üç uly söweşi yglan etdi. Söweşleriň birinde iň ýeňil agramda UFC-niň çempiony, gruziýaly söweşiji Merab Dwalişwili bilen amerikaly Kori Sendhagen duşuşar...

24.07.2025 14:16
9.4k+

UFC soňky ýaryşdan we Porýe gidenden soň ýeňil agramda söweşijileriň reýtingini täzeledi

UFC-niň metbugat gullugy 20-nji iýulda Täze Orleanda (Luizina ştaty, ABŞ) geçen UFC 318 ýaryşynyň jemi boýunça söweşijileriň reýtinglerini täzeledi. Ýeňil agramly söweşijileriň täzelenen sanawyndan karýerasyny tamamlan amerikaly Dastin Porýe aýryldy...

24.07.2025 10:04
3.9k+

Tom Aspinall UFC-niň Abu-Dabide geçiriljek ýaryşynda Siril Gan bilen duşuşar

25-nji oktýabrda Abu-Dabide geçiriljek UFC 321 ýaryşynda agyr agramda çempion (120 kilograma çenli) britaniýaly Tom Aspinall bilen fransuz Siril Ganyň arasynda söweş bolar. Bu barada X sosial ulgamynda söweş mahabatynyň resmi akkaunty habar berdi...

20.07.2025 13:29
8.6k+

Dastin Porýe karýerasyndaky soňky söweşinde Maks Holloueýden ýeňildi

Amerikaly Dastin Porýe Täze Orleanda geçirilen UFC 318 ýaryşynyň esasy söweşinde watandaşy Maks Holloueýden ýeňildi. Ýeňil agramda geçen söweş tutuş bäş raund dowam etdi. Eminleriň biragyzdan karar bermegi bilen Holloueý ýeňiş gazandy...