Ispaniýanyň “Barselona” futbol kluby 2021-nji ýyly 1,2 mlrd ýewro karz bilen tamamlady. Bu barada toparyň saýtynda aýdylýar diýip, Lenta.ru salgylanyp, Day.Az habar berýär.
Deloitte kompaniýasynyň geçiren barlagyna görä, “Barselonanyň” ýitgileri 481 mln ýewro bolup, aýlyk gaznasy beýleki öňdebaryjy klublaryňkydan 40 göterim ýokarydyr. Şol bir wagtyň özünde topar gymmat oýunçylardan, şol sanda hüjümçi Lionel Messiden hem ýüz öwrüp, bir ýylyň dowamynda töleg sanawnamasyny azaltdy.
Klubuň müdirler geňeşi mümkin bolan galplyklar barada maglumatlary Barselonanyň prokraturasyna tabşyrdy. Häzirki wagtda bu işde anyk adamlar ýok.
20-nji awgustda katalon klubunyň ýolbaşçylygynyň karz almak we karz borçnamalarynyň bir bölegine täzeden garamak barada ylalaşyk gazanandygy belli boldy. Klub 455 mln ýewro möçberinde karz aldy.
“Barselona” koronawirus pandemiýasy sebäpli maliýe kynçylyklary bilen ýüzbe-ýüz boldy. Klub futbolçylaryň meýletin razylygy bilen olaryň aýlyk haklary üçin çykdajylary azaltmagy başardy.
