Portugaliýa uzak aralykdan işi syýahat bilen utgaşdyrmak isleýänler üçin 2022-nji ýylyň iň gowy syýahat ugry boldy. Bu barada Lenta.ru-nyň redaksiýasyna gelip gowşan syýahaty meýilleşdirmek üçin Momondo onlaýn serwisiniň gözleg netijelerinden belli boldy.
Şeýlelikde, hünärmenler ýurtda klimatyň amatlydygyny, jenaýatçylygyň derejesiniň pesdigini, güýmenjeleriň köp görnüşlidigini, şeýle-de bahalaryň pesdigini bellediler. Ýene bir gowy tarapy – uzak aralykdan işleýänler Portugaliýa girmek üçin ýörite wiza alyp bilerler.
Zähmet çekmek we dynç almak üçin iň gowy şertleri bolan lider döwletleriň üçlügine Ispaniýa we Rumyniýa hem girdi. Onlukda Mawrikiý, Ýaponiýa, Malta, Kosta-Rika, Panama, Çehiýa we Germaniýa-da bar.
Russiýa bu sanawda Şweýsariýadan, Täze Zelandiýadan, ABŞ-dan we Çernogoriýadan öňe geçip, 48-nji orny eýeledi. Umuman alanyňda, sanawa dünýäniň 111 ýurdy girdi. Hünärmenler alty kategoriýada 22 faktor boýunça ugurlary seljerdiler: azyk we ýaşaýyş jaý bahalary, durmuş harajatlary, transportyň bahasy we elýeterliligi, saglyk we howpsuzlyk, uzak aralykdan işlemek üçin şertler, sosial durmuş we howa.
