Aşgazan kislotasy ýokary bolan adamlara sakgyç çeýnemekden saklanmak maslahat berilýär. Şeýle hem sakgyç çeýnemek dişi breketli we plombaly adamlar üçin kynçylyk döredip biler. Bu barada pcnews.ru habar berýär.
Sakgyç çeýnemegiň howply taraplary hakynda iýmitleniş hem-de berhiz lukmany Darýa Rusakowa gürrüň berýär. Eger-de adamda kislotanyň derejesi ýa-da onuň bölünip çykyşynyň depgini ýokary bolsa, onda ol adam üçin sakgyç çeýnemek zyýanlydyr. Sebäbi bu adamda aşgazan ýarasyny we on iki barmak içege ýarasyny döredip biler.
Lukman dişine breket geýýän ýa-da dişi plombaly adamlar üçin sakgyçdan ýüz öwürmegiň has gowudygyny aýratyn nygtaýar. Sebäbi ol plomba bilen dişleriň arasyny gowşadýar. Ol breketlere hem şeýle täsir edýär diýip, çeşme belleýär.
