13-nji dekabrda Nýonda (Şweýsariýa) UEFA Çempionlar ligasynyň 1?8 final tapgyrynyň bijeleri çekildi. Bije çekişligi tehniki näsazlyklar üçin ýüze çykan dawa zerarly gaýtadan geçirmeli boldy.
Ýagny, «Atletiko» we «Willareall» ispan klublary ilki çekilen bijeleriň netijelerine nägilelik bildirdiler, çünki UEFA bije çekişligiň barşynda diýseň gödek ýalňyşa ýol berdi: bije çekişlige gatnaşan öňki russiýaly futbolçy Andreý Arşawin «Willareala» garşydaş hökmünde «Mançester Ýunaýtedi» çekdi. Bu iki klub hem Çempionlar ligasynda bir toparda oýnady we şonuň üçin hem ýewrokubok ýaryşynyň birinji tapgyrynda birek-birek bilen duşuşyp bilmez.
Gaýtadan çekilen bijeleriň netijeleri şulardan ybarat:
- «Zalsburg» (Awstriýa) — «Bawariýa» (Germaniýa)
- «Sporting» (Portugaliýa) — «Mançester Siti» (Angliýa)
- «Benfika» (Portugaliýa) — «Aýaks» (Niderlandrlar)
- «Çelsi» (Angliýa) — «Lill» (Fransiýa)
- «Atletiko» (Ispaniýa) — «Mançester Ýunaýted» (Angliýa)
- «Willareal» (Ispaniýa) — «Ýuwentus» (Italiýa)
- «Inter» (Italiýa) — «Liwerpul» (Angliýa)
- «PSŽ» (Fransiýa) — «Real» (Ispaniýa)
1/8 final tapgyrynyň ilkinji duşuşyklary 15-16-njy we 22-23-nji fewralda geçiriler, jogap oýunlar 8-9-njy we 15-16-njy martda geçiriler.
Final oýny 2022-nji ýylyň 28-nji maýynda «Sankt-Peterburg» stadionynda geçiriler.
