Adidas kompaniýasy 2021/22 möwsüminiň Çempionlar ligasynyň pleý-off oýunlary we final duşuşygy üçin niýetlenen resmi topy tanyşdyrdy. Bu barada Ýewropa Futbol Assosiasiýalarynyň Bileleşiginiň (UEFA) metbugat gullugyna salgylanyp, TASS habar berdi.
"Pleý-off-da ulanyljak topuň dizaýnynda tomus aýlary şäher bilen sazlaşýan ak gijelerden ylham alyndy. Termiki taýdan berkidilen gurluşa eýe bolan resmi futbol topy fewral aýynda başlaýan 1/8 finalyň ähli oýunlarynda, şeýle hem final duşuşygynda ulanylar" - diýlip, metbugat gullugynyň beýanatynda aýdylýar.
1/8 finalyň ilkinji oýunlary 2022-nji ýylyň 15, 16, 22 we 23-nji fewralynda geçiriler. Jogap oýunlary bolsa 8, 9, 15 we 16-njy martda oýnalar. Çempionlar ligasynyň finaly 28-nji maýda Sankt-Peterburgda geçiriler.
