Çempionlar ligasynyň 1/8 final tapgyryna gatnaşyjylaryň aglabasy belli boldy

  • 08.12.2021 17:10
  • 10k+

8-nji dekabra geçilýän gije Çempionlar ligasynyň toparlaýyn tapgyrynyň ilkinji jemleýji duşuşyklary geçirildi. «Mançester Siti» myhmançylykda «Leýpsigden» ýeňildi (1:2), «Real» «Interi» utdy (2:0), «Milan» «Liwerpuldan» ýeňildi (1:2) we ýewrokuboklardan gaýtdy, «Portu» bolsa «Atletikadan» ýeňildi (1:3).

«Liwerpul» toparlaýyn tapgyryň ähli duşuşyklaryny ýeňiş bilen tamamlap, Çempionlar ligasynyň taryhynda bu tapgyrda şu netijäni görkezen ilkinji iňlis kluby boldy.
Bu tapgyrdan soň, Çempionlar ligasynyň pleý-of tapgyrynyň 12 sany gatnaşyjysy mälim boldy. Olar: «Mançester Siti», «PSŽ», «Liwerpul», «Atletiko», «Aýaks», «Sporting», «Real», «Inter», «Bawariýa», «Mançester Ýunaýted», «Çelsi» we «Ýuwentus».
«Portu», «Şerif», «Borussiýa» Dortmund we RB«Leýpsig» Ýewropa Ligasynda çykyş ederler.

Duşuşyklaryň netijeleri:
А topar
PSŽ — Brýugge — 4:1 (Mbappe, 2, 7. Messi, 38, 76, pen. — Rits, 68).
Leýpsig — Mançester Siti — 2:1 (Sobosloi, 24, Andre Silwa, 71 — Mahrez, 76).

В topar
Milan — Liwerpul — 1:2 (Tomori, 29 — Salah, 36. Origi, 55)
Portu — Atletiko — 1:3 (Serjiu Oliweýra, 90+5, pen. — Grizmann, 56. Korrea, 90. De Paul, 90+3)

С topar
Aýaks — Sporting L — 4:2 (Aller, 8, pen. Antoni, 42. Neres, 58. Berghaýs, 62 — Nunu Santuş, 22. Tabata, 78).
Borussiýa D — Beşiktaş — 5:0 (Malen, 29. Roýs, 45+2, pen, 53. Holann, 68, 81).

D topar
Şahtýor — Şerif — 1:1 (Fernandu, 42 — Nikolow, 90+3).
Real — Inter — 2:0 (Kroos, 17. Asensio, 79).

Toparlaýyn tapgyrynyň galan duşuşyklary 9-njy noýabra  geçilýän gije oýnalar.
Çempionlar ligasynyň 1/8 final tapgyrynyň bijeleri 13-nji dekabrda UEFA-nyň Nýondaky ştab-kwartirasynda çekiler. 1/8 final tapgyrynyň ilkinji duşuşyklary 15-16-njy we 22-23-nji fewralda geçiriler. Jogap oýunlary 8-9-njy we 15-16-njy martda geçiriler.


düýn 19:28
1.6k+

EA Sports FC 26-da Ibragimowiç, Inýesta, Totti we beýleki rowaýaty oýunçylar peýda bolar

Electronic Arts kompaniýasy futbol simulýatorynyň täze görnüşiniň — EA Sports FC 26 oýnunyň tanyşdyrylyşyna taýynlyk görýär. Oýun iýul aýynda resmi taýdan hödürlener, onuň çykjak senesi bolsa sentýabryň soňlaryna garaşylýar...

düýn 12:05
7.7k+

Klublaýyn dünýä çempionatynyň 1/8 finalyna gatnaşyjylaryň ählisi belli boldy

Amerikanyň Birleşen Ştatlarynda futbol boýunça Klublaýyn dünýä çempionatynyň toparçalaýyn tapgyrynyň 3-nji duşuşyklarynyň soňky oýun güni tamamlandy. H toparyň jemleýji duşuşyklarynda Madridiň «Realy» «Zalsburgy» 3:0 hasaby bilen ýeňdi...

düýn 10:22
6.9k+

Ronaldu "Al-Nasr" bilen şertnamasyny 2027-nji ýyla çenli uzaltdy

Kriştianu Ronaldu Saud Arabystanynyň «Al-Nasr» futbol kluby bilen şertnamasyny 2027-nji ýylyň tomsuna çenli uzaltdy. Bu barada toparyň resmi saýty habar berdi. 40 ýaşly portugaliýaly hüjümçiniň öňki şertnamasy 2025-nji ýylyň 30-njy iýunynda tamamlanmalydy...

25.06.2025 16:41
15k+

Türkmenistanyň milli ýygyndysynyň öňki tälimçisi litwa klubuna bellenildi

Türkmenistanly hünärmen Mergen Orazow Litwanyň “Dainawa” futbol toparynyň baş tälimçisi wezipesine bellenildi. Bu barada toparyň metbugat gullugy habar berdi. Ýewropa klubuna geçmegi tälimçiniň karýera  ösüşinde täze tapgyr boldy...