"PSŽ"-niň we Italiýanyň milli ýygyndysynyň derwezebany Janluiji Donnarumma 2021-nji ýylyň iň gowy derwezebany diýlip ykrar edildi. Ol Pariždäki dabarada alyp baryjy Didýe Drogbanyň elinden Lew Ýaşin adyndaky baýragy aldy diýip, sport-express.ru habar berdi.
22 ýaşly Donnarumma 2021-nji ýylda Ýewropa çempionatynda ýeňiji bolup, ýaryşyň iň gowy oýunçysy diýlip saýlandy. Ol Ispaniýa garşy ýarym final we Angliýa garşy final oýunlarynda penaltiler seriýasynda ýeňiş gazandy.
Şeýle hem, ol Milletler ligasynyň bürünç medalyna eýe boldy. Futbolçy "Milany" erkin agent hökmünde terk etdi we täze möwsüme "PSŽ"-de başlady.
