Eýranly derwezeban Alireza Beýranwand «resmi futbol duşuşygynda pökgini iň uzaga zyňyp» rekord goýdy. Adaty bolmadyk bu üstünlik bäş ýyl mundan öň hasaba alnypdy, emma Ginnesiň rekordlar kitabyna ol şuwagt girizildi diýip, IRNA agentligi habar berýär.
Baryp 2016-njy ýylda Dünýä çempionaty - 2018-iň saýlama tapgyrynda Günorta Koreýa garşy duşuşykda Eýranyň milli ýygyndysynyň derwezebany hüjümi tiz başlamaga synanyşyp, eli bilen pökgini 61,26 metr aralyga zyňypdyr we öz ýygyndysynyň oýunçysyny garşydaşyň derwezebany bilen birme-bir ýagdaýa çykarypdyr. Belläp geçsek, şol duşuşyk eýranlylaryň hasabyna 1:0 hasabynda tamamlandy).
Bu günki gün 29 ýaşly Beýranwand «Boawişta» portugal klubynyň derwezesini goraýar. Ondan öň, ol uzak wagtlap Eýranda çykyş etdi, geçen möwsümde bolsa «Antwerpende» oýnady.
Alireza Beýranwand Eýranyň milli ýygyndysy üçin 49 oýunda çykyş etdi. Russiýada geçirilen Dünýä çempionatynda ol uly meşhurlyk gazanypdy. Şonda ol Portugaliýa garşy oýunda Kriştianu Ronaldunyň depen 11 metrlik urgusyny gaýtarmagy başardy.
