Hemilton Braziliýanyň Gran-prisinde ýeňiji boldy

  • 14.11.2021 23:59
  • 2.5k+

«Mersedesiň» britaniýaly sürüjisi Lýuis Hemilton “Formula-1” çempionatynyň 19-njy tapgyry bolan Braziliýanyň Gran-prisinde ýeňiji boldy. 

Hemilton 71 aýlaw dowam eden ýaryşda pellehana birinji bolup geldi. Ikinji orny möwsümiň lideri niderlandly Maks Werstappen (“Red Bull”, yza galyş – 10,496 sekunt), üçünji orny finlýandiýaly Waltteri Bottas (“Mersedes”, +13,576) eýeledi.

Şeýle-de, onluga şular girdi: 4. Serhio Peres (Meksika; “Red Bull”, +39,940), 5. Şarl Lekler (Monako; “Ferrari”, +49,517), 6. Karlos Saýns (Ispaniýa; “Ferrari”, +51,820), 7. Pýer Gasli (Fransiýa; “Alfa Tauri”, yza galyş – aýlaw), 8. Esteban Okon (Fransiýa; “Alpin Reno”, aýlaw), 9. Fernando Alonso (Ispaniýa; “Alpin Reno”, aýlaw), 10. Lando Norris (Beýik Britaniýa; “Maklaren”, aýlaw).

Braziliýadaky tapgyr häzirki möwsümiň dowamynda sprint ýaryşy geçirilen iň soňky tapgyr boldy. Şeýle Gran-pride ýaryş uik-endiniň tertibi adatdakysyndan birneme tapawutlanýar: anna güni bir erkin tejribe we sprint ýaryşy üçin saýlama, şenbe güni – erkin sürmegiň ikinji sessiýasy we sprint, ýekşenbe güni – esasy ýaryş geçirilýär. 

Indiki tapgyr 19 – 21-nji noýabrda Katarda geçiriler.


22.09.2025 12:40
2.6k+

Werstappen Azerbaýjanyň Gran-prisini utup, “Uly tuwulga” boýunça Hemilton bilen deňleşdi

21-nji sentýabrda Bakuwda Formula-1 çempionatynyň 17-nji tapgyry bolan Azerbaýjanyň Gran-prisi geçirildi. Ýeňiji dört gezek dünýä çempiony, niderlandly Maks Werstappen (“Red Bull”) boldy. Ikinji orny Jorj Rassell (“Mersedes”), üçünji orny Karlos Saýns (“Uilýams”) eýeledi...

08.09.2025 17:16
15k+

Braziliýaly işewür Neýmara 1 mlrd dollar miras goýdy

Braziliýaly işewür “Santos” klubunyň hüjümçisi Neýmara 1 mlrd dollar miras galdyrdy. Bu barada Terra ispan neşiri habar berýär. Çeşmäniň maglumatlaryna görä, işewür 31 ýaşynda. Onuň ady aýan edilmeýär, ýöne onuň maşgalasynyň we çagalarynyň ýokdugy hem-de saglyk näsazlygyndan ejir çekýändigi belli...

08.09.2025 12:01
2.1k+

Werstappen Italiýanyň Gran-prisini utdy, Norris – ikinji, Piastri – üçünji

“Red Bull” toparynyň sürüjisi Maks Werstappen 7-nji sentýabrda Monsada geçirilen Italiýanyň Gran-prisinde ýeňiş gazandy. Niderlandly ýaryşa gatnaşyjy pouldan başlady, ýöne ilkinji aýlawlarda Lando Norrisden (“Maklaren”) yza galdy...

01.09.2025 12:19
2.5k+

Piastri Niderlandlaryň Gran-prisinde ýeňiji boldy, Werstappen – ikinji

“Maklaren” toparynyň sürüjisi Oskar Piastri 31-nji awgustda Zandwortda geçen Niderlandlaryň Gran-prisinde ýeňiji boldy. Ikinji bolup pellehana “Red Bulldan” häzirki dünýä çempiony Maks Werstappen geldi. Üçünji orny “Reýsing Bulls” toparynyň wekili Isak Hajar eýeledi – onuň üçin bu karýerasynda münbere ilkinji gezek çykmagy boldy...