30-njy sentýabrdan 1-nji oktýabra geçilýän gije Konferensiýalar ligasynyň toparlaýyn tapgyrynyň ikinji duşuşyklary geçirildi.
H topardaky oýunlarda Şweýsariýanyň «Bazeli» öz meýdançasynda Gazagystanyň «Kaýratyndan» üstün çykdy. Bazelde geçen duşuşykda Gurban Berdiýewiň şägirtleri 4:2 hasabynda ýeňildiler. «Bazelden» Artur Kabral, Mihael Lang (dubl) we Den Ndoý; «Kaýratdan» Žoze Kante we Rikardu Alweş tapawutlandy.
Topardaky ugurdaş duşuşykda Azerbaýjanyň «Karabahy» 4:1 hasabynda Kipriň «Omoniýasyndan» üstün çykdy.
С toparda Italiýanyň «Romasy» Ukrainanyň «Zarýasyndan» 3:0 hasabynda üstün çykdy. Gollar: Stefan El-Şarawi, Kris Smolling, Temmi Abraham.
Topardaky ugurdaş duşuşykda Sofiýanyň «SSKA-sy» Norwegiýanyň «Bude-Glimt» kluby bilen 0:0 hasabynda çeňme deň oýnady.
G toparda Londonda «Tottenhem» slowenleriň «Murusyny» 5:1 hasabynda ýeňdi. Harri Keýn het-trik etdi.
Ugurdaş duşuşykda fransuzlaryň «Renn» kluby niderlandlaryň «Witessini» 2:1 hasabynda ýeňdi.
Е toparda «Feýenord» öz meýdançasynda Çehiýanyň «Slawiýasyny» 2:1 hasabynda, nemesleriň «Union Berlini» bolsa öz meýdançasynda Haýfanyň «Makkabisini» 3:0 hasabynda ýeňdi.
F toparda PAOK we «Slowan» 1:1 hasabynda oýnady, «Kopengagen» bolsa öz meýdançasynda «Linkoln Red Imps» klubuny 3:1 ýeňdi.
Konferensiýalar ligasynyň beýleki duşuşyklarynyň netijeleri:
А topar
"Alaşkert" (Ermenistan) - HIK (Finlýandiýa) - 2:4,
LASK (Awstriýa) - "Makkabi" (Tel-Awiw, Ysraýyl) - 1:1,
В topar
"Partizan" (Serbiýa) - "Flora" (Estoniýa) - 2:0,
"Gent" (Belgiýa) - "Anortosis" (Kipr) - 2:0,
D topar
ÇFR (Rumyniýa) - "Ranners" (Daniýa) - 1:1,
AZ (Niderlandlar) - "Ýablones" (Çehiýa) - 1:0.
