Ýaponiýanyň Suwanose günorta-günbatar adasynda wulkan atylmasy bolup geçdi. Bu barada Ýaponiýanyň milli meteorologiýa gullugyna salgylanyp, TASS habar berdi.
Kraterden 1 kilometr radiusda bolup geçen hadysanyň netijesinde, wulkan jynslarynyň atylyp çykandygy hasaba alyndy. Seýsmologlar adada wulkan işjeňliginiň entek dowam edip biljekdigini duýdurýarlar. Şunuň bilen baglylykda, bu etrapda bäş ballyk şkalada üçünji derejeli howp yglan edildi. Munuň özi wulkana 2 kilometrden golaý baryp bolmaýandygyny aňladýar.
Habar berilmegine görä, häzirlikçe adada ýitgi-de, weýrançylyk-da ýok. Häzirki wagtda bu ýerde 80 töweregi adam ýaşap, olaryň obasy wulkandan 4 kilometr uzaklykda ýerleşýär.
Suwanose - iri Kagosima şäheriniň 230 kilometr günorta-günbatarynda ýerleşýän kiçijik adadyr. Bu ýerdäki wulkan iň soňky gezek iýun aýynda atylypdy.
