78-nji Wenesiýa film festiwalynyň ýeňijileri yglan edildi

  • 14.09.2021 08:20
  • 2.7k+

11-nji sentýabrda 78-nji halkara Wenesiýa film festiwaly tamamlandy. Koreýaly režissýor Pon Çžun Ho-nyň ýolbaşçylygyndaky eminler topary baýraklary esasy bäsleşige gatnaşan 21 adamyň arasynda paýlady. Festiwalyň ýapylyş dabarasy, däp boýunça, Lido adasynda geçirildi diýip, vesti.ru habar berdi.

Odri Diwanyň režissýorlyk eden “Hadysa” (Fransiýa) filmi 78-nji halkara Wenesiýa film festiwalynyň iň gowy filmi diýlip ykrar edildi. Emin agzalarynyň Gran Pri baýragy bolsa Paolo Sorrentinonyň režissýorlyk eden “Hudaýyň eli” filmine gowşuryldy.

Iň gowy režissýora berilýän Kümüş ýolbars baýragyna “Itiň güýji” filmi üçin Jeýn Kempion mynasyp boldy. Emin agzalary Penelopa Kruzy Pedro Almodowaryň “Parallel eneler” filmindäki janlandyran keşbi üçin iň gowy aktrisa hökmünde ykrar etdiler. Erik Mattiniň (Filippinler) “Işde: Ýitirim bolan 8” filminde baş keşbi janlandyran Jon Arsilýa iň oňat aktýor diýlip yglan edildi.

Beýleki baýraklar şu aşakdaky tertipde paýlandy:
Iň oňat ssenariýa - režissýor Meggi Jillenhol ("Ýitirilen gyz", Gresiýa/ABŞ/Angliýa/Ysraýyl);
Eminleriň ýörite baýragy - Mikelanjelo Frammartinonyň režissýorlyk eden "Gowak" filmi (Italiýa/Fransiýa/Germaniýa) .
Ýeri gelende bellesek, 78-nji halkara Wenesiýa film festiwaly 1-18-nji sentýabr aralygynda Italiýada geçirildi.

şu gün 06:00
1.9k+

Zaha Hadidiň binagärlik edarasy Neapolda Wezuwiýe meňzeş diňleri gurar

Ady rowaýata öwrülen Zaha Hadid tarapyndan esaslandyrylan Zaha Hadid Architects (ZHA) binagärlik edarasy Neapolyň gündogar çetinde gurmak üçin jübüt binanyň taslamasyny hödürledi. Polatdan we betondan gurulmaly...

düýn 21:31
4.3k+

Ýyrtyk futbolkalar we giň hudiler… Balenciaga güýz-gyş 2025 kolleksiýasyny görkezdi

Dizaýner Demna Gwasaliýa Balenciaga-nyň täze güýz-gyş kolleksiýasyny görkezdi. Bu kolleksiýa onuň soňky on ýylda eden işleriniň beýany boldy diýip, «Vogue» neşiri ýazýar. Dizaýner özüniň işini «„adaty“ egin-eşikleriň...

düýn 06:51
3.1k+

Parižde LED ekranly köýnekler görkezildi

Parižiň moda hepdeliginde ýaponiýaly dizaýner Kunihiko Morinaga “SCREEN” ady bilen täze Anrealage kolleksiýasyny görkezdi. Oňa şekilleri görkezip bilýän kiçijik akkumulýatorlar, sensorlar we LED displeýleri bilen...

07.03.2025 17:34
1.6k+

Louis Vuitton Pet Makgrat bilen bilelikde "La Beauté" gözellik serişdeleriniň toplumyny çykarýar

Luis Vuitton "La Beauté" gözellik serişdeleriniň hatarynyň goýberilendigini habar berdi. Taslamanyň döredijilik direktory döwrümiziň iň täsirli gözellik işgärlerinden biri bolan Pet Makgratdyr diýip, WWD habar...