Halkara Paralimpiýa Komitetiniň (HPK) prezidenti Endrýu Parsons Tokiodaky Paralimpiýa oýunlaryny ýapyk diýip yglan etdi. XVI tomusky Paralimpiýa oýunlarynyň ýapylyş dabarasy Tokionyň Milli stadionynda tomaşaçysyz geçirildi. Bu barada TASS habar berýär.
“Biziň baýramçylygymyzyň tamamlanýandygyna ynanyp bilemok, sagbol, Tokio! Çaklamalara garaman, biz muny bilelikde etdik, Tokiodaky Paralimpiýa oýunlary diňe bir taryha girmedi, olar örän ajaýyp boldy. Soňky 18 günüň dowamynda türgenler ynam, şatlyk we umyt berdiler, rekord goýdular, ruhlary göterip, ýürekleri ýylatdylar we iň esasy zat, türgenler durmuşy üýtgetdiler. Ýaponiýanyň halky – siz muny mümkin etdiňiz” – diýip, Parsons aýtdy.
Soňra Paralimpiýa oýunlarynyň alawy söndürildi. Tokiodaky Paralimpiýa oýunlarynda sportuň 22 görnüşinde jemi 539 baýrak toplumy oýnaldy. Umumy medal sanawynda 96 altyn, 60 kümüş we 51 bürünç medal gazanyp, Hytaý birinji orny eýeledi. Ikinji orunda Beýik Britaniýa (41-38-45), üçünji orunda ABŞ (37-36-31), dördünji orunda Russiýa (36-33-49) ýerleşdi.
Paralimpiýa oýunlary 24-nji awgustdan 5-nji sentýabr aralygynda geçirildi.
