Toyota Corolla awtoulaglarynyň 50 milliondan gowragy satyldy

  • 14.08.2021 09:12
  • 13k+

Toyota Corolla henizem dünýäde iň giň ýaýran awtoulag bolmagynda galýar. Ýakynda bolsa onuň Awstraliýadaky bölümi kompaniýanyň 50 milliondan gowrak awtoulag satyp, rekord goýandygyny habar berdi. Bu barada motor.ru ýazdy.

Awstraliýanyň awtoulag bazary Corolla-nyň şeýle meşhurlyga ýetmeginde möhüm orun eýeleýär. Birinjiden, Awstraliýa Corolla-nyň eksport edilip başlanan ilkinji ýurtlarynyň biri bolupdy (bu 1966-njy ýylda bolup geçdi), ikinjiden bolsa, modeliň ýerli bazardaky 54 ýylynyň içinde bu awtoulagyň 1,5 million nusgasy satyldy.

Häzire çenli Toyota Corolla dünýäniň 150 ýurduna ýol saldy we Ýaponiýa, Braziliýa, Wenesuela, Hytaý, Pakistan, Günorta Afrika, Taýwan, Taýland, Wýetnam, Türkiýe, ABŞ we Beýik Britaniýadaky 12 zawodda öndürilýär. Statistikalara görä bolsa, dünýäde her 30 sekuntda bir Corolla satylýar.

1966-njy ýyldan bäri öndürilýän we 12 neslini çykaran bu model eýýäm 1997-nji ýyl çenli taryhda iň köp satylan awtoulaglaryň sanawynda öňdebaryjy boldy. 2005-nji ýylda bolsa bütin dünýäde 30 million nusgasy satylanda Corolla Ginnesiň rekordlar kitabyna giripdi.


28.07.2025 14:53
6.9k+

Toyota ABŞ-nyň bazary üçin Corolla we Corolla Hybrid sedanlaryny täzeledi

Amerikan bazary üçin 2026-njy ýylyň Toyota model hatarynda Corolla we Corolla Hybrid sedanlarynyň kämilleşdirilen görnüşleri peýda boldy. Modelleriň ikisi-de täzelenen üpjünçilige, täze howpsuzlyk ulgamlaryna we birneme ýokary bahalara eýe boldy...

20.07.2025 17:49
5.3k+

Porsche-niň güýç gurluşy oturdylan kater Monakodaky ýaryşda tizlik rekordyny goýdy

Frauscher x Porsche 850 Fantom spidboty Monakoda geçen Energy Boat Challenge ýaryşynda täze tizlik rekordyny goýdy . “Açyk deňiz” synpynda ol 49,84 uzel tizlige çykdy, bu sagatda 92,3 kilometre barabardyr. Bu ýaryşyň taryhynda iň ýokary görkezijidir...

14.07.2025 17:05
3.6k+

Rimac Nevera tizligi artdyrmakda iň çakgan elektrokar boldy we bir günde 24 sany tizlik rekordyny goýdy

Rimac Nevera R giperkary bir günde 24 sany tizlik rekordyny goýdy, şol sanda noldan sagatda 400 km tizlige çenli çykmakda iň gowy - 25,79 sekunt netijäni görkezdi. Bu barada Horwatiýanyň Rimac kompaniýasy modeliň täze modifikasiýasyny synagdan geçirenden soň habar berdi...

14.07.2025 10:56
12k+

Lexus üçeginde tennis oýnadyp, Ginnesiň iki sany üýtgeşik rekordyny goýdy

Lexus kompaniýasy hereket edip barýan ulaglarda tennis oýny bilen bagly Ginnesiň iki rekordyny goýmaga gatnaşdy. Britaniýaly tennisçiler Jeými Marreý we Lora Robson 47 km/sag tizlik bilen hereket edip barýan awtomobilleriň üçeginde durmak bilen, birek-birege yzygider 101 gezek top geçirdi...