«Lill» Fransiýanyň Superkubogy ugrundaky oýunda «PSŽ-ni» ýeňdi. Duşuşyk Tel-Awiwdäki «Bloomfild» stadionynda geçirildi we 1:0 hasabynda tamamlandy.
Duşuşygyň 45-nji minudynda ýeke-täk pökgini «Lilliň» portugaliýaly ýarymgoragçysy Şeka tora girizdi.
Tomusda «Interden» «Pari Sen Žermene» geçen goragçy Aşraf Hakimi we «Liwerpuldan» geçen ýarymgoragçy Jorjinýo Weýnaldum klubda ilkinji çykyşyny etdiler. Kluba täze gelen goragçy Serhio Ramos we derwezeban Janluiji Donnarumma, şeýle hem hüjümçiler Neýmar we Kilian Mbappe oýun üçin sanawa girizilmediler.
«Lill» Fransiýanyň Superkubogyny ilkinji gezek aldy. Ondan öň klub kubok ugrundaky oýunlarda iki gezek — 1955 we 2011-nji ýyllarda oýnady. Klub 2020/21 möwsüminde Fransiýanyň çempionatynda ýeňiş gazanyp, Superkubokda oýnamak hukugyny gazandy. «Lill» iň soňky gezek 2010/11 möwsüminde fransuz çempionatynda ýeňiji bolupdy.
«PSŽ» Fransiýanyň Superkubogynyň 10 gezek ýeňijisidir, bu rekord görkeziji. Pariž kluby 2013-2020-nji ýyllar aralygynda kuboklary gazanypdy.
