Kaliş Tokiodaky Olimpiýa oýunlarynda ABŞ-nyň toparyna ilkinji altyn medaly getirdi

  • 25.07.2021 15:38
  • 2.2k+

Amerikaly Çeýz Kaliş 400 metr aralyga toplumlaýyn ýüzmekde Tokiodaky Olimpiýa oýunlarynyň altyn medalyny gazandy. 

Kaliş bu aralygy 4 minut 09,42 sekuntda geçdi. Ikinji orny watandaşy Jeý Literlen (yza galyş – 0,86 sekunt), üçünji orny awstraliýaly Brendon Smit (+0,96) eýeledi. Türgenler bu aralygy ýüzüşiň ähli görnüşleri bilen (100 metrden batterflýaý, arkanlygyna, bras we erkin usul) geçdiler.
Kaliş 27 ýaşynda. Ol ilkinji gezek Olimpiýa çempiony boldy, mundan öň onuň hasabynda 2016-njy ýyldaky Oýunlaryň kümüş medaly bar. Şeýle-de, onuň hasabynda dünýä çempionatynyň iki altyn, kümüş we iki bürünç medaly bar. 
Amerikan türgenleri Tokiodaky tomusky Olimpiýa oýunlarynyň başlanan günlerinde hiç hili baýrak alyp bilmediler, bu ýagdaý 1972-nji ýylda Mýunhende geçirilen Olimpiýa oýunlaryndan bäri ilkinji gezek boldy. ABŞ-nyň milli ýygyndysy 1896-njy ýylda Afinyda geçirilen ilkinji ýaryşlardan bäri Olimpiýa oýunlaryna gatnaşyp gelýär. Amerikan türgenleriniň hasabynda jemi 1023 altyn, 796 kümüş we 706 bürünç medal bar. Olimpiýa oýunlarynda iň köp baýrakly amerikaly türgen suwda ýüzüji Maýkl Felpsdir, onuň hasabynda 23 altyn, üç kümüş we iki bürünç medal bar.


04.10.2025 18:50
5.6k+

FIFA 2026-njy ýylyň dünýä çempionatynyň resmi topuny hödürledi

Halkara futbol federasiýasy (FIFA) öz saýtynda ABŞ-da, Kanadada we Meksikada geçiriljek 2026-njy ýylyň dünýä çempionatynyň resmi topuny görkezdi. Ýaryş ilkinji gezek birbada üç ýurduň çäginde geçer we indiki ýylyň 11-nji iýunyndan 19-njy iýulyna çenli dowam eder...

04.10.2025 17:04
9.4k+

Futbol boýunça Dünýä çempionaty-2026 üçin iň gymmat petegiň bahasy tas 7000 dollara barýar

FIFA 2026-njy ýylyň futbol boýunça dünýä çempionaty üçin petek bahalaryny yglan etdi. Köp janköýerler has amatly bahalara garaşypdy, ýöne sanlar garaşylmadyk derejede boldy: ABŞ-da, Kanadada we Meksikada geçiriljek ýaryş eýýäm taryhda iň gymmat ýaryş diýlip atlandyrylýar diýip, The Athletic habar berýär...

22.09.2025 18:27
4.8k+

Amerikan ýeňil atletikaçylary 4х400 m estafeta ýaryşynda dünýä çempionatynyň rekordyny täzeledi

ABŞ-nyň zenanlar ýygyndysy Tokioda geçirilýän ýeňil atletika boýunça dünýä çempionatynyň altyn medalyny gazandy. Topar 4х400 m estafeta ýaryşynda 3 minut 16,16 sekunt netije bilen ýeňiji boldy. Bu dünýä çempionatynyň täze rekordydyr...

22.09.2025 10:45
3.6k+

Noa Laýls 4-nji gezek DÇ-de 200 m ylgawda ýeňiji bolup, Useýn Bolduň üstünligini gaýtalady

Amerikaly sprinter Noa Laýls Tokiodaky dünýä çempionatynda 200 m aralyga ylgamakda altyn medal gazandy. Ol finalda 19,52 sekunt netijäni görkezdi. Ikinji orny onuň watandaşy Kenni Bednarek eýeledi (19,58), üçünji orna ýamaýkaly Braýan Lewell mynasyp boldy (19,64)...