Gündogar Antarktidadaky Emeri şelf buzlugynyň üstünde ýerleşýän iri köl ýok boldy. Naked Science ýok bolan köli Uly köller ulgamynyň dördünji köli bilen deňeşdirýär. ferra.ru-nyň ýazmagyna görä, Emeri buzlugyndaky tebigy suw howdany özi bilen Eri kölüniň suwundan-da köp suwy alyp gidipdir. Onuň göwrümi 600-750 million kub metre barabardy.
Alymlar buzlukda jaýryk döräp, şol sebäpli kölüň derrew okeana siňip gidendigini çaklaýarlar. ICESat-2 enjamynyň emeli hemra arkaly düşüren suratlary şeýle diýmäge esas berýär. Bu hadysa 2019-njy ýylyň iýun aýynda bolup geçipdir. Indi kölüň ýerinde krateri ýatladýan çukur ýerleşýär. Onuň uzynlygy 11 inedördül kilometre golaý. Alymlar kölüň ýitip gitmeginiň sebäbini entek doly anyk bilmeýärler. Bu hadysanyň howanyň ählumumy üýtgemegi bilen baglanyşykly däl bolmagy-da mümkin.
