Messi – “Altyn topa” esasy dalaşgär

  • 08.07.2021 21:07
  • 11k+

Meşhur “Goal” neşiri 2021-nji ýylyň jemi boýunça “Altyn topa” dalaşgärleriň sanawyny neşir etdi diýip, vprognoze.ru habar berýär. Bu sanawda birinji orny “Barselonanyň” we Argentinanyň milli ýygyndysynyň hüjümçisi Lionel Messi eýeledi. Sanawyň öňki wersiýasynda ol bäşinji orny eýeläpdi. Ikinji orunda “Bawariýanyň” nemes hüjümçisi Robert Lewandowski ýerleşdi. Üçlügi “Çelsiniň” we Fransiýanyň ýygyndy toparynyň goragçysy Ngolo Kante jemleýär.

Top-5-e Romelu Lukaku (“Inter”) we Kilian Mbappe (“PSŽ”) hem girdi. “Ýuwentusyň” we Portugaliýanyň milli ýygyndysynyň hüjümçisi Kriştianu Ronaldu sanawda ýedinji orny eýeledi. 
Ýatlap geçsek, Ispaniýanyň çempionatynyň geçen möwsüminiň jemi boýunça Messi 35 oýna gatnaşyp, 30 goly we 5 netijeli geçirimi öz hasabyna ýazdy. Şeýle-de, onuň hasabynda Çempionlar ligasynyň 6 oýnunda 5 goly bar.
Häzirki wagtda Messi Amerikanyň Kubogynda Argentinanyň milli ýygyndysynda oýnaýar. Ýaryşda ol 5 oýunda 4 gol geçirdi we 4 netijeli geçirim etdi. Ýaryşyň ýarym finalynda Argentinanyň milli ýygyndysy Kolumbiýa bilen duşuşar.
Ýatlap geçsek, Messiniň “Barselona” bilen şertnamasynyň möhleti tamamlandy we ol häzir erkin agentdir.


21.07.2025 11:35
9.8k+

Ýamalyň 10-luk belgili köýnekçesi “Barselonanyň” dükanlarynda satuw rekordyny goýdy

Lamin Ýamalyň 10-luk belgili köýnekçeleri “Barselonanyň” resmi dükanlarynyň taryhynda satuw rekordyny goýdy. Bu barada Culemania neşiri habar berýär. Şu möwsümde resmi taýdan 10-njy belgini alan winger klub merçiniň taryhynda bir günde iň köp satylan harydyň awtory boldy...

21.07.2025 11:31
8.2k+

Insaýderler: “Barselona” satyn almak mümkinçiligi bilen Markus Reşfordy “MÝ-den” bir ýyl kärendesine alar

“Barselona” “Mançester Ýunaýted” bilen 27 ýaşly hüjümçi Markus Reşfordy satyn almak mümkinçiligi bilen kärendesine almak barada ylalaşdy. Bu maglumaty The Athletic-den Dewid Ornşteýn we Fabrisio Romano ýaly abraýly insaýderler tassyklady...

20.07.2025 17:10
10k+

Messi penaltini hasaba almazdan gol sany boýunça Ronaldudan öňe geçdi

“Inter Maýaminiň” 38 ýaşly argentinaly hüjümçisi Lionel Messi penaltini hasaba almazdan geçiren gollarynyň sany boýunça rekord eýesi boldy. Messi bu görkeziji boýunça “Al-Nasryň” hüjümçisi we kapitany, portugaliýaly Kriştianu Ronaldudan öňe geçdi...

17.07.2025 17:13
10k+

“Meniň belgim. Meniň taryhym”: Ýamal “Barselonada” 10-njy belgini aldy

“Barselonanyň” wingeri Lamin Ýamal 10-njy belginiň täze eýesi boldy. Bu barada ol sosial ulgamlarda habar berip, suratlary bilen paýlaşdy. “Meniň belgim. Meniň taryhym. Meniň syýahatym. x10” – diýip, futbolçy ýazdy...