Amerikanyň Kubogy - 2021-iň ýarymfinal jübütleri belli boldy

  • 04.07.2021 19:07
  • 10k+

Amerikanyň Kubogy — 2021-iň 1/4 final oýunlarynyň netijeleri boýunça ýaryşyň ýarymfinalçylary belli boldy.

Çärýek finalda Braziliýanyň milli ýygyndysy Çilini ýeňdi (1:0). Lukas Paketa ýeke-täk pökgini geçirdi. Ikinji ýarymyň başynda braziliýaly hüjümçi Gabriel Jesus gyzyl duýduryş aldy, netijede Braziliýa oýny azlykda oýnamly boldy.
Peru bilen Paragwaýyň milli ýygyndysynyň arasyndaky duşuşyk diýseň çekeleşikli boldy. 3:3 hasabynda tamamlanan esasy wagtdan soň, toparlar oýnuň ykbaly 11 metrlik urgularda çözüldi. Peru 4:3 hasabynda ýeňdi.
Beýleki bir duşuşykda Kolumbiýa Urugwaýy ýeňdi. Duşuşyk 0:0 hasabynda tamamlanyp, 11 metrlik urgularda Kolumbiýanyň milli ýygyndysynyň oýunçylary has şowly boldular (4: 2).
Bu tapgyryň soňky oýnunda Argentina Ekwadory (3:0) uly hasap bilen ýeňdi. Oýunda Lionel Messi bir gol geçirdi we iki asist etdi. «Barselonanyň» hüjümçisi häzirki wagtda 4 pökgi geçirip we 4 asist edip, ýaryşyň iň gowy bambardiri bolup durýar.
Şeýlelikde, Braziliýa - Peru we Argentina - Kolumbiýa ýarymfinalda duşuşar.
Bu ýaryş ilkibaşda Argentinada we Kolumbiýada geçirilmelidi, ýöne Kolumbiýadaky dawalar we Argentinadaky howply epidemiologiki ýagdaý sebäpli Braziliýa geçirildi.


şu gün 12:05
1.5k+

Klublaýyn dünýä çempionatynyň 1/8 finalyna gatnaşyjylaryň ählisi belli boldy

Amerikanyň Birleşen Ştatlarynda futbol boýunça Klublaýyn dünýä çempionatynyň toparçalaýyn tapgyrynyň 3-nji duşuşyklarynyň soňky oýun güni tamamlandy. H toparyň jemleýji duşuşyklarynda Madridiň «Realy» «Zalsburgy» 3:0 hasaby bilen ýeňdi...

şu gün 10:22
2.6k+

Ronaldu "Al-Nasr" bilen şertnamasyny 2027-nji ýyla çenli uzaltdy

Kriştianu Ronaldu Saud Arabystanynyň «Al-Nasr» futbol kluby bilen şertnamasyny 2027-nji ýylyň tomsuna çenli uzaltdy. Bu barada toparyň resmi saýty habar berdi. 40 ýaşly portugaliýaly hüjümçiniň öňki şertnamasy 2025-nji ýylyň 30-njy iýunynda tamamlanmalydy...

25.06.2025 16:41
15k+

Türkmenistanyň milli ýygyndysynyň öňki tälimçisi litwa klubuna bellenildi

Türkmenistanly hünärmen Mergen Orazow Litwanyň “Dainawa” futbol toparynyň baş tälimçisi wezipesine bellenildi. Bu barada toparyň metbugat gullugy habar berdi. Ýewropa klubuna geçmegi tälimçiniň karýera  ösüşinde täze tapgyr boldy...

25.06.2025 12:04
5.7k+

«Lion» futbol klubuny maliýe hasabatlylygyny bozandygy üçin 2-nji Liga düşürdiler

Fransiýanyň Milli gözegçilik we dolandyryş direktoraty (DNCG) «Lion» futbol klubuny maliýe hasabatlarynda ýüze çykan düzgün bozmalary sebäpli 2-nji Liga düşürmek kararyna geldi. Bu barada Fransiýanyň Professional futbol ligasynyň resmi saýtynda habar berilýär...