Britaniýanyň awiasiýa, deňiz gämileri we goranyş senagaty üçin hereketlendirijileri we beýleki enjamlary öndürijisi Rolls-Royce Group plc 2021-nji ýylyň 1-nji oktýabryndan täze dolandyryjy başlygyň Anita Frýu boljakdygyny mälim etdi. Rolls-Royce Group-yň müdirler geňeşine ýolbaşçylyk edýän ilkinji zenan boljak hanym Frýu häzirki wagtda bu wezipäni eýeleýän we pensiýa çykýan 70 ýaşly Ýan Dewisiň ornuny çalşyrar. Bu barada www.kommersant.ru habar berýär.
Hanym Frýu häzirki wagtda farmaseptika, öý-hojalyk himiki serişdeleri, kosmetika, ösümlikleri goramak serişdeleri ýaly dürli pudaklar üçin himiki goşundylary öndüriji Croda plc kompaniýasynyň müdirler geňeşine ýolbaşçylyk edýär. Hanym Frýu Rolls-Royce-daky wezipe borçlaryna 1-nji iýuldan girişer.
Koronawirus pandemiýasy bilen baglanyşykly çökgünlik ýagdaýy Rolls-Royce kärhanalarynda önümçiligiň birden pese gaçmagyna getirdi. Geçen ýylyň oktýabr aýynda Rolls-Royce 2020-nji ýylyň birinji ýarymynda rekord derejeli ýitgi barada habar berdi.
Şeýle-de, kompaniýa pandemiýadan soňky döwürde awiasiýa bazaryndaky täze hakykatlara uýgunlaşmak we her ýyl £1,3 mlrd ($1,8 mlrd) tygşytlamak üçin dünýäde azyndan 9 müň iş ornuny, ýagny işgärleriň umumy sanynyň 15%-den gowragyny azaltmagy meýilleşdirýär.
