Türkmenistanyň Prezidenti Gurbanguly Berdimuhamedow Nguen Suan Fuka Wýetnam Sosialistik Respublikasynyň Prezidenti wezipesine saýlanmagy mynasybetli mähirli gutlaglaryny we iň gowy arzuwlaryny ýollady.
Türkmen Lideri Nguen Suan Fuka tüýs ýürekden berk jan saglyk, bagtyýarlyk hem-de dostlukly ýurduň mundan beýläk-de öňe gitmeginiň we gülläp ösmeginiň hatyrasyna iň ýokary döwlet wezipesinde uly üstünlikler gazanmagyny arzuw etdi.
Wýetnam Sosialistik Respublikasynyň Milli ýygnagy (bir palataly parlament) duşenbe güni Nguen Suan Fuky ýurduň täze Prezidenti wezipesine saýlady. Parlamentiň barlag komissiýasynyň habar berşi ýaly, 2016-njy ýyldan bäri ýurduň premýer-ministri wezipesinde işlän, 67 ýaşly Nguen Suan Fuka Milli ýygnagyň deputatlarynyň 97,5%-i ses berdi.
