“Racine Journal Times” gazetiniň ýazmagyna görä, Ikinji jahan urşunyň weterany amerikaly Raýmond Şefer 96 ýaşynda orta bilim hakyndaky şahadatnamany aldy. Bu barada Sputnik habar berdi.
Şefer harby gulluk we maşgalasyny eklemek zerurlygy sebäpli 1940-njy ýyllarda okuwyny taşlapdy. Uruşdan soň Raýmond uzak wagtlap zawodda işledi. Bilim almak meselesi soňky orunlara geçdi.
Şeferiň dostlary orta bilim hakynda hormatly şahadatnamany bermek barada mekdebiň ýolbaşçylary bilen ylalaşdylar. Haçan-da Şefer binanyň içine girende, ony orkestr bilen, zal doly adam bolup garşy aldylar. Raýmond ýadygärlik medaly we mekdebi tamamlandygy baradaky hormatly diplom bilen sylaglandy. Şeýle hem, pensionere däp bolan uçurym papagy gowşuryldy.
Dabara tamamlanandan soň, Şefer munuň öz durmuşynda gaty kän garaşan iň möhüm pursadydygyny aýtdy.
