Türkmenistanda jemi içerki önüm Merkezi Aziýa we Kawkaz sebitinden 1,5 esse ýokary boldy

  • 03.11.2020 17:59
  • 8.9k+

Pandemiýa dünýä ykdysadyýetine we ýaşaýyş derejesine ýaramaz täsir edýär. Bu ýagdaý makroykdysady görkezijilerde öz beýanyny tapýar. Makroykdysady görkezijileriň iň möhümi adam başyna düşýän jemi içerki önümdir (JIÖ), ýagny belli bir döwürde aýry-aýry ýurtlarda we sebitlerde ykdysady işjeňligiň we ilatyň ýaşaýyş derejesiniň görkezijisidir. Ol milli jemi içerki önümi ýaşaýjylaryň sanyna bölmek arkaly kesgitlenýär.

Halkara pul gaznasynyň (HPG) hasabatyna görä, 2020-nji ýylda ilatyň ortaça girdejisiniň görkezijisi hasaplanýan adam başyna düşýän jemi içerki önüm dünýäde 10,95 müň dollara, ösen ýurtlarda - 46,35 müň dollara, ösüp barýan we ösýän ýurtlarda - 5,17 müň dollara barabar boldy. Bu barada ORIENT habar berýär.
Merkezi Aziýa we Kawkaz sebitinde bu görkeziji birneme pes - ýagny 4,81 müň dollar, ýöne ol sebitiň ýurtlarynyň her biri üçin aýratynlykda juda tapawutly sanlardan ybarat boldy.
Şeýlelik bilen, Gazagystanyň adam başyna düşýän jemi içerki önümi 8,78 müň dollar boldy, ondan soň 8,07 müň dollar görkeziji bilen Türkmenistan we 1,76 müň dollar görkezijili Özbegistan, Gyrgyzystan (1,15 müň dollar) we Täjigistan (833,55 dollar) ýaly ýurtlar gelýär.
Deňeşdirmek üçin iň ýakyn iri ykdysadyýet hökmünde Russiýanyň 9,97 müň dollarlyk görkezijisini mysal getirmek bolar.
Şu maglumatlardan görnüşi ýaly, adam başyna düşýän jemi içerki önüm nukdaýnazaryndan Türkmenistanyň görkezijisi Merkezi Aziýa we Kawkaz sebiti boýunça umumy görkezijiden bir ýarym esse ýokary we ol Merkezi Aziýanyň ýakyn geljekde dünýä derejesine ýetmek üçin hakyky mümkinçilige eýe bolan ýurtlaryň bäşliginde öňdebaryjy hasaplanýar.
2020-nji ýylyň ahyryna çenli ýurtda jemi içerki önümiň 5,8% ýokarlanmagyny we indiki ýyl üçin döwlet býujetiniň 6,2% ösüş gazanjakdygyny göz öňünde tutsak, degişlilikde adam başyna düşýän jemi içerki önümiň hem ýokarlanmagyna bil baglap bolar.
Garaşylýan ykdysady ösüşe we döwletiň sosial borçnamalaryna esaslanyp, öňümizdäki ýylda Türkmenistanda aýlyk haklarynyň, pensiýalaryň, döwlet kömek pullarynyň, talyp we diňleýji haklarynyň mukdaryny 10 göterim ýokarlandyrmak göz öňünde tutulýar.

düýn 20:42
1.4k+

BMGÖM Türkmenistan bilen hyzmatdaşlygy dowam etdirmäge ygrarlylygyny beýan etdi

4-nji awgustda Türkmenistanyň daşary işler ministriniň orunbasary Ahmet Gurbanow BMG-niň Baş sekretaryň kömekçisi, BMG-niň Ösüş Maksatnamasynyň (BMGÖM) Dolandyryjysynyň kömekçisi we Ýewropa we GDA üçin sebitleýin býurosynyň direktory Iwana Žiwkowiç bilen duşuşdy...

düýn 20:07
1.5k+

Türkmenistan we MAGATE 2025–2029-njy ýyllar üçin çarçuwaly maksatnamasynyň taslamasyny maslahatlaşdylar

Türkmenistan Atom energiýasy boýunça halkara agentligi bilen (MAGATE) 2025–2029-njy ýyllar üçin Atom energiýasy boýunça halkara agentliginiň Türkmenistan üçin ýurt boýunça çarçuwaly maksatnamasynyň taslamasynyň ylalaşylmagyny ara alyp maslahatlaşdy...

düýn 20:00
928

Türkmenistanyň we Somaliniň daşary işler ministrleriniň orunbasarlary hyzmatdaşlygy giňeltmek meselelerini maslahatlaşdylar

4-nji awgustda Türkmenistanyň daşary işler ministriniň orunbasary Ahmet Gurbanow Somali Respublikasynyň daşary işler we halkara hyzmatdaşlyk ministriniň orunbasary Isaak Mohamud Mursal bilen duşuşyk geçirdi. Türkmenistanyň...

düýn 19:55
6.6k+

Deňze çykalgasy bolmadyk ösüp barýan ýurtlaryň liderleri Türkmenistana gelmegini dowam edýärler

Hazaryň türkmen kenaryndaky "Awaza" milli syýahatçylyk zolagy BMG-niň Deňze çykalgasy bolmadyk ösüp barýan ýurtlar boýunça üçünji maslahatynyň (LLDC3) myhmanlaryny kabul etmegini dowam edýär. Foruma BMG-niň agza döwletleriniň ýokary wezipeli wekilleri, halkara guramalarynyň hem-de işewür toparlaryň wekilleri gatnaşýarlar...