Göreş boýunça dünýä çempionaty Belgrad şäherinde geçiriler

  • 13.10.2020 23:16
  • 3.4k+

«Halkara göreş federasiýasy (UWW) göreş boýunça dünýä çempionatynyň 12-20-nji dekabr aralygynda Belgradda geçiriljekdigini tassyklady» diýip, Sputnik gullugy habar berýär.

Milli federasiýalaryň 70%-den gowragynyň dünýä çempionatyna gatnaşmaga taýýardyklaryny mälim edenlerinden soňra, şeýle karara gelindi. Ýaryşa gatnaşjak ýurtlaryň sanyny Federasiýanyň özi geçen aý kesgitläpdi. Şeýle-de bolsa, bu sanawyň heniz gutarnykly däldigi nygtalýar. Halkara göreş federasiýasynyň indiki maslahaty 6-njy noýabrda geçiriler, onda koronawirus pandemiýasy bilen baglylykda ýaryşlaryň geçirilişinde göz öňünde tutuljak käbir üýtgeşmeler ara alnyp maslahatlaşylar.

«Türgenlerimiziň, tälimçilerimiziň we işgärlerimiziň howpsuzlygy ilkinji nobatda durýar. Ýaryşyň Serbiýanyň paýtagty Belgradda howpsuz gurşawda geçirilmegini üpjün etmek üçin ähli zerur çäreleri göreris» diýip, Bütindünýä göreş federasiýasynyň başlygy Nenad Lalowiç aýtdy.

Bir hepde mundan öň meýilleşdirilen ýetginjekleriň arasynda göreş boýunça dünýä çempionaty bolsa ýaryşa gatnaşyp biljek bäsdeşleriň sany bilen bagly meseleler döränden soňra, goýbolsun edilipdi.

düýn 19:46
3.5k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

düýn 09:22
7.3k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

28.11.2025 23:57
4.6k+

Türkmen agyr atletikaçylary Tähranda Fajr Cup ýaryşynda 8 altyn medal gazandylar

2025-nji ýylyň 26-30-njy noýabry aralygynda Eýranyň paýtagty Tähranda halkara agyr atletika ýaryşy geçirilýär, bu ýerde Türkmenistanyň milli ýygyndysy üstünlikli gatnaşýar. Türkmen türgenleri eýýäm 12 medal gazandylar, şol sanda 8 altyn we 4 bürünç medal...

28.11.2025 23:17
4.9k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...