«Türkmenpoçta» poçta aragatnaşyk kompaniýasy raýatlary bütin ýurt boýunça elýeterli bolan çaparçylyk hyzmatlaryndan peýdalanmaga çagyrýar. Çaparçylyk hyzmatlarynda Türkmenistanyň islendik nokadynda «gapydan-gapa» eltip bermek kepillendirilýär.
Çapary 92-14-95 telefon belgisi, «ÇAPAR» mobil programmasy, şeýle hem haýyşnama blankasyny doldurmak bilen, kompaniýanyň web sahypasy arkaly çagyryp bilersiňiz. Çagyrylan çapar bukjany ýa-da haty kabul edip, blankalary we gaplamalary doldurmaga ýardam eder, şeýle hem çek we trek-belgisini berer.
Çaparçylyk hyzmatlarynyň nyrhlary:
- 2 kilograma çenli haty ýa-da ibermäni (posylka) welaýatyň çäginde salga eltip bermek: adaty usulda – 30.0 manat.
- 2 kg çenli ýurduň içinde, welaýatyň çäginden daşary salga eltip bermek: adaty usulda – 40.0 manat.
Nyrhlar barada has giňişleýin maglumatlar bilen turkmenpost.gov.tm sahypasyna girip ýa-da çaparçylyk hyzmatynyň 92-14-95 belgisine jaň edip tanyşyp bilersiňiz.
Poçta bölümleriniň telefon belgilerini kompaniýanyň web sahypasynda üç dilde – türkmen, iňlis we rus dillerinde tapyp bilersiňiz. Mundan başga-da, web sahypasynda ýurtdaky ähli poçta bölümleriniň salgylaryny we iş wagtyny bilip bilersiňiz. Şeýle hem bu ýerde poçta ibermek, EMS poçta ibermek, gazet-žurnallara abuna ýazylmak we satyn almak, çapar çagyrmak ýaly hyzmatlar ilata hödürlenilýär.
