Dürli ýurtlarda işlenip düzülýän täze koronawirusa garşy sanjymlar, azyndan, 50% ýagdaýda netije görkezmelidir. Bu barada brifingde BSGG-niň esasy ylmy işgäri Sumýa Swaminatan mälim etdi diýip, TASS habar berýär.
"Howpsuz hasaplanmak üçin sanjym 50% ýagdaýda netijelilik bilen baglanyşykly ölçeglere laýyk gelmelidir. 30% ýa-da ondan hem pes netijeli sanjymlar hasaba alyş ygtyýarnamasyny almasa-da bolýar" - diýip, Swaminatan belleýär.
BSGG-niň berýän maglumatlaryna görä, häzirki wagtda dünýäde koronawirusa garşy göreşmek üçin 170-e golaý sanjym işlenip taýýarlanylýar.
