Günorta Koreýada has berk karantin çäreleri girizilip bilner

  • 24.08.2020 01:17
  • 12k+

Koreýa Respublikasy koronawirus ýokanjynyň ýaýramagynyň öňüni almak üçin sosial aradaşlygyň has berk çärelerini girizip biler, bu barada premýer ministr Çon Se Gýun Seulda hökümet agzalary bilen duşuşykda mälim etdi. Bu barada rossaprimavera.ru habar berýär.

Ol paýtagtda kesel sanynyň ep-esli ýokarlanýandygyny aýtdy.

«Paýtagt sebitinde keseliň täze ýagdaýlarynyň sany azalanok, üstesine-de, ýokanç ýurduň beýleki sebitlerinde hem ýaýraýar, galyberse-de, bellige alynmadyk ýollar bilen ýaýraýar» – diýip, Çon Se Gýun aýtdy.

Şonuň üçin ol has berk çäklendiriji çäreleri girizmek möhüm diýip hasaplaýar.
«Wirusy saklamak üçin aýratyn gyssagly çäreler gerek» – diýip, premýer ministr sözüniň üstüni ýetirýär.
Bir hepdäniň içinde Günorta Koreýada koronawirus bilen kesellemegiň 100-den gowrak täze ýagdaýy bellige alyndy. Bu, esasan, «Saran çeil» buthanasynyň işi bilen bagly, bu ýerde 700 sany keselli ýüze çykaryldy. Ýurduň hökümeti oňa eýerijileriň aglabasyny barlagdan geçirdi, ýöne buthananyň galan ýüzlerçe dindarlarynyň nirededigi belli däl.
«Saran çeiliň» işi bilen bagly kynçylyk onuň agzalarynyň Seulyň merkezinde ylalaşylmadyk duşuşyga gatnaşandyklarynda jemlenýär. Şunuň bilen baglylykda, hökümet bu çärä gatnaşanlaryň ählisini barlagdan geçmäge çagyrdy. Ýöne dini guramanyň agzalary barlagdan geçmekden birnäçe gezek boýun gaçyrdylar.

07.06.2025 19:01
12k+

Kanadadaky tokaý ýangynlaryndan çykýan tüsse baryp kosmosdan hem görünýär

NASA-nyň Ýerden 1,5 million kilometr uzaklykdaky Lagranj L1 nokadynda ýerleşýän DSCOVR hemrasy Kanadadaky tokaý ýangynlaryndan çykan tüssäni surata aldy. Surat 2025-nji ýylyň 31-nji maýynda düşürildi. Kanadadaky tokaý ýangynlary birnäçe gün bäri dowam edýär...

07.06.2025 12:21
12k+

Türkmen alymlary Derweze gaz krateriniň alawlamasyny peseltmegi başardylar

Garagum sährasyndaky Derweze gaz krateriniň ýanmagynyň depgini üç esse azaldy. Bu barada «Türkmengaz» döwlet konserniniň Tebigy gaz ylmy-barlag institutynyň barlaghanasynyň müdiri Irina Lurýewa habar berdi. "Krateriň tertipsiz ýanmagynyň ýygjamlygy 2023-nji ýylyň awgust aýy bilen deňeşdirilende üç esseden gowrak azaldy...

05.06.2025 10:12
8.9k+

Ägirt uly aýsberg A23a Antarktidanyň kenarynda saýdan çykyp, ýene ýüzüp başlady

Ululygy boýunça Lýuksemburgyň çägi bilen deňleşýän A23a ägirt uly aýsbergi  Günorta ummanyň suwlarynda ýene-de hereket edip başlady. Bu barada Arktika we Antarktika ylmy-gözleg institutynyň metbugat gullugy habar berdi...

05.06.2025 10:05
8.9k+

Saharadan galyňlygy 4 km bolan ägirt uly tozan buludy Amerikanyň üstünden iner

Şu hepde Saharadan uly tozan buludy Atlantik ummanynyň üstünden geçip, Karib basseýnini örtdi we indi ABŞ-a tarap barýar. Tozan bulutlary her ýyl Sahara howa gatlagy diýlip atlandyrylýan atmosfera hadysasynyň netijesinde emele gelýär diýip, Science Alert habar berýär...