Londonda internet tizliginiň täze rekordy goýuldy

  • 22.08.2020 08:40
  • 12k+

Beýik Britaniýadan hünärmenler sekuntda akla sygmajak 178 terabite (Tbit/s) ýetmegi başardylar, netijede internet arkaly maglumatlary iberme tizliginiň rekordy täzelendi. Bu barada rueconomics.ru habar berýär.

Ol bar bolan optika süýümli tolkunlaryň ulanylmagy bilen bellige alyndy. Onuň üsti bilen maglumatlaryň köp bölegini ibermek üçin KDDI Research kompaniýasynyň, Londonyň uniwersitet kollejiniň hem-de Xtera kompaniýasynyň inženerleri tarapyndan täze tehnologiýalar işlenip düzüldi.
Şu günki günde iň tiz internete Ýaponiýanyň ýaşaýjylary eýe. Ýaponiýada maglumatlary 10 Gbit/s tizlik bilen ibermek bolýar. Britan innowasion tehnologiýalary bu görkezijini 9 TGs çenli artdyrmaga mümkinçilik berdiler. Şeýlelik bilen, Londonda internetiň dünýäde iň ýokary tizligi bellige alyndy.
Ylmy iş barada doly maglumatlary “IEEE Photonics Technology Letters” žurnaly neşir etdi. Materiala laýyklykda, alymlara tolkunlaryň uzynlygynyň fazasyny, ýagtylygyny we polýarizasiýasyny üýtgedýän signallaryň sazlaşygyny kämilleşdirmek başartdy. Ýönekeý söz bilen aýdylanda, olar signaly ibermekde ýokary tizligi beren ähli bar bolan tehnologiýalary birleşdirmek arkaly gibrid ulgamyny döretmegi başardylar.
ABŞ-nyň Energetika ylymlarynyň tory tarapyndan taýýarlanylan birleşme 400 Gbit/s maksimal tizlige ýetýär.

düýn 12:26
6.1k+

Amerikan restoranynda azatmahynyň emeli eti hödürlenip başlandy

ABŞ-nyň Azyk önümlerine we derman serişdelerine gözegçilik edarasy (FDA) Wildtype kompaniýasynyň barlaghanasy tarapyndan döredilen “ýabany azatmahynyň” (losos) emeli etiniň satuwyny tassyklady. Önüm howpsuz diýlip ykrar edildi we eýýäm Oregon ştatynyň Portlend şäherindäki Kann restoranynda myhmanlara hödürlenýär diýip, The Verge habar berýär...

11.06.2025 13:18
3.2k+

Samsung kagyz ekranly mahabat tagtasyny çykardy. Ol elektrik çeşmesine birikdirilmezden işleýär

Günorta Koreýanyň Samsung Electronics tehnologiýa ägirdi Сolor E-Paper sanly mahabat tagtasynyň global satuwyna başlady. Enjam reňkli elektron syýa tehnologiýasynyň esasynda gurlan we hemişelik energiýa çeşmesi bolmazdan şekilleri görkezmäge ukyply...

10.06.2025 13:04
3k+

Tellurdan ýasalan implantat syçanlaryň görüş ukybyny dikeltdi, maýmynlarda bolsa güýçlendirdi

Hytaýly alymlar tellur nanosimlerden dokalan protez torly bardany (setçatka) işläp taýýarladylar. Bu enjam kör syçanlaryň görüş ukybyny bölekleýin dikeltdi we ozaldan hem görýän makaklaryň (maýmyn) ýakyn infragyzyl şöhläni görmegine mümkinçilik berdi...

03.06.2025 20:52
3.9k+

Raibo atly koreýaly robot it diwaryň ýüzünden ylgamagy we parkury özleşdirdi

Günorta Koreýanyň Robototehnika we emeli aň barlaghanasynda işlenip taýýarlanan dört aýakly robot Raibo parkury özleşdirdi. Ol dik diwaryň ýüzünden ylgap, 1,5 metre çenli beýiklikdäki päsgelçiliklerden böküp we daşlyk ýerlerde hereket edip bilýär diýip, Science Robotics žurnalynda aýdylýar...