Rus sanjymy koronawirusdan azyndan iki ýyllap goramaga ukyply

  • 14.08.2020 13:54
  • 16k+

Rus sanjymynyň koronawirusa garşy gorag aýratynlyklary kabul edileninden soň azyndan iki ýyllap dowam eder diýip, Russiýanyň Saglygy goraýyş ministrliginiň akademik N.F. Gamaleýa adyndaky epidemiologiýa we mikrobiologiýa milli gözleg merkeziniň başlygy Aleksandr Ginsburg aýdýar. Bu barada TASS habar berýär.

"Waksinanyň täsiriniň dowamlylygy, goraýjy aýratynlyklary gysga wagt, alty aý ýa-da bir ýyl däl, azyndan iki ýyl dowam eder" - diýip, ol "Rossiýa-1" teleýaýlymynda "60 minut" gepleşiginde aýtdy.

Ondan öň Russiýa Federasiýasynyň Saglygy goraýyş ministrligi N.F. Gamaleýa adyndaky merkeziň işläp taýýarlamasy bilen dahylly wektor sanjymlaryny ulanmak tejribesi immunitetiň 2 ýyla çenli dowam edýändigini görkezýär diýip belläpdi.
Şeýle hem Ginsburg koronawirusa garşy rus sanjymynyň tankyt edilmegini bäsdeşlik bilen baglanyşdyrdy.

"Pikir ediň, eger-de rus sanjymy sebäpli anyk adamlar, anyk bir kompaniýalar milliardlarça dollar ýitirse, nähili herekete garaşýardyňyz? Men muny bolaýmaly zat haspalaýaryn. Hiç kim her ampulanyň, her çüýşäniň onlarça ýyl öňünden paýlaşylan bu erkin bazarynda goşmaça ampulalar we çüýşeler peýda bolar, belki-de, olar ýokary ähtimallyk bilen, Günbatar Ýewropanyň we Amerikanyň bazarynda peýda boljaklara garanyňda has gowy sarp ediji häsiýete eýe bolar öýtmändi. Bu - anyk bir pul üçin aç-açan göreş"-diýip, merkeziň başlygy belledi.

Şeýle hem Ginsburg bu sanjymyň doly howpsuzdygyny we kanunyň ähli kadalaryna laýyklykda hasaba alnandygyny aýtdy. Ginsburgyň aýtmagyna görä, ruslaryň koronawirusa garşy sanjymy beýleki ýurtlaryňkydan tapawutlanýar.

"Soňky önümimiz sanawda görkezilen ýurtlarda döredilýän önümlerden iki komponentli sanjymy bilen tapawutlanýar".

Ginsburgyň pikiriçe, sanjymlary döretmek üçin şeýle tehnologiýalar, hususan-da, Angliýada bar.

"30-njy martda meniň bilen işläp düzüjiler topary, ýedi adam töweregi bolup, bu sanjymy kabul etdik. Birinji sanjym edildi, üç hepde soň bolsa, garaşylyşy ýaly, ikinji sanjym edildi. Görşüňiz ýaly, olar diri, sagdyn we hatda eýýäm bäş aýdan soň hem olarda immunitetiň öz güýjündedigi we hakykatdan hem ýokary derejeli antikorlara laýyk gelýändigi barlandy. Bu bolsa COVID-19-yň islendik dozasyna garşy doly netijeliligi kepillendirýär. Şeýle bolmasa, ol (wirus - Red.) sanjym edilen adamyň bedenine - biziň bedenimize düşer. Biz institutda özümiz örtüksiz gezmek ýaly erkin alyp baryp bilýäris"-diýip, Ginsburg belledi.

düýn 06:44
5.8k+

Hytaýda ilkinji gezek adama doňzuň öýkeni oturdyldy

Hytaýda alymlar topary ilkinji gezek genetiki taýdan üýtgedilen doňuzdan alnan öýkeni ölüm halyndaky hassa oturtdy. Organ şol bada bitişmezlik ýagdaýyny görkezmedi. Bu hem ylmy gözlegçileriň pikiriçe, haýwan organlaryny ksenotransplantasiýa üçin ulanyp boljakdygyny tassyklaýar diýip, Nature Medicine habar berýär...

22.08.2025 15:19
5.2k+

Dişleriň sagdyn bolmagy üçin: Russiýada düzüminde probiotikler bolan sakgyç döredildi

Seçenow uniwersitetiniň hünärmenleri probiotiklerden we prebiotiklerden düzülen çeýnelýän sakgyç döretdiler. Uniwersitetiň metbugat gullugynyň habaryna görä, täze önüme «Reteriks» diýlip at berildi. Onuň maksady – kariýesiň, gingiwitiň we beýleki stomatologik keselleriň töwekgelçiligini azaltmakdyr...

22.08.2025 08:21
4.7k+

Russiýaly alymlar pnewmoniýany we meningiti oýaryjyny dargadýan wirusy tapdylar

Sibir Ylymlar akademiýasynyň (SO RAN) Himiýa-biologiýa we fundamental lukmançylyk institutynyň hünärmenleri pnewmoniýa, meningit, sepsis döredýän we köplenç hassahanalarda giňden duş gelýän howply bakteriýany ýok edip bilýän täze wirus-bakteriofagy açdylar diýip, «Nauka v Sibiri» neşiri habar berýär...

18.08.2025 10:02
2.2k+

ABŞ-da düzgünleşdiriji dowamly öýken keselini bejermek üçin ilkinji derman serişdesini tassyklady

ABŞ-nyň Azyk önümleriniň hiline we derman serişdelerine gözegilik müdirligi (FDA) Insmed kompaniýasynyň mukowissidozsyz bronhoektazlary bejermek üçin niýetlenen Brinsupri dermanyny tassyklady. Bu dowamly öýken keseli dem alyş ýollarynyň öwezini dolup bolmajak zeperlenmesi, dowamly üsgülewük we nemiň  artykmaç bölünip çykmagy bilen utgaşýar diýip, Reuters ýazýar...