Awtoulagyň klimat-kontrolyny nädip dogry ulanmaly?

  • 09.08.2020 13:12
  • 24k+

Howa gözegçilikli (klimat-kontrolly) awtoulag satyn alýan adamlar, köplenç, onuň ähli mümkinçiliklerinden peýdalanmaýarlar. Bu mümkinçilikler barada "Awtorewýu" žurnalynyň baş redaktory Leonid Golowanow Sputnik radiosyna beren interwýusynda aýtdy. Bu barada Ria Nowosti belleýär.

Yssy howada awtoulagyň içini sowatman oňup bolmaýar. Leonid Golowanow häzirki zaman awtoulaglarynda köplenç elde dolandyrylýan kondisionerleriň däl-de, howanyň awtomatiki dolandyryş ulgamlarynyň - klimat-kontrolyň ulanylýandygyny aýtdy. Awtoulag hünärmeni klimat-kontrolyň her awtoulagda dürlüçe işleýändigini duýdurdy.

"Mysal üçin, awtoulagda iki fazaly ýa-da köp zolakly klimat-kontrol bolup biler. Muny anyklamak juda aňsat - sürüji üçin 17 dereje, ýolagçy üçin 23 dereje temperaturany bellemeli, soňra ugramaly we barlamaly - temperatura tapawudy barmy ýa-da ýok. Klimat-kontrol ulgamy Ýewropa markalarynda ýapon ýa-da koreý markalaryndakydan has gowy işleýär. Ýöne käbir kadadan çykmalar hem bolup bilýär"- diýip, Leonid Golowanow belleýär.

Klimat-kontrol ulgamynyň ähli mümkinçiliklerinden peýdalanmak üçin awtomatiki režimi açmaly.

"Klimat-kontrolly awtoulagda edilmeli ilkinji zat - "awto" düwmesini işletmeli we diňe zerur temperaturany görkezmek bilen, hiç zada degmezden oňmaga çalyşmaly. Gowy klimat-kontrolly awtoulagyň içi sowuk hem, yssy hem, dymyk hem bolmaly däl, hemme zady onuň özi sazlamaly "- diýip, Golowanow Sputnik radiosyna gürrüň berdi.

Awtoulag hünärmeni köp awtoulag höwesjeňleriniň näme üçin ýelpewajyň (wentilýatoryň) tizligini we howa paýlanyşyny el bilen sazlamagy dowam etdirýändigini düşündirdi:

"Bu iki sebäbe görä bolup biler. Ýa-ha klimat-kontrolyň işleýşi hakykatdan hem ýaramaz we awtomatlaşdyryş ähli zerur ýagdaýlary özleşdirmeýär, ýa-da adam näme satyn alandygyny bilenok we awtomatizasiýa ynanmaýar".

Şeýle hem okap bilersiňiz:

düýn 21:31
10k+

Taksi bolan Mercedes 2 mln km-den gowrak ýol geçipdir, ýöne Finlýandiýanyň salgyt edarasy muňa ynanmady

Ozal Germaniýada taksi hökmünde ulanylan Mercedes-Benz E-Class 2,2 mln kilometrden gowrak ýol geçip, işe ukyply ýagdaýda galdy. Häzir awtomobil Finlýandiýada diýip, “Ilta-Sanomat” neşiri ýazýar. Ulagyň eýesi – ulanylan “Mersedesleri” satmak bilen meşgullanýan 36 ýaşly işewür Wille Rýaýsýanen...

düýn 16:15
5.6k+

Mercedes-Benz täze ulaglaryň önümçiligi üçin köneleri söküp başlar

Mercedes-Benz konserni Germaniýada köne awtomobilleri sökmek boýunça synag taslamasynyň işe girizilendigini habar berdi. Resmi maglumatlara görä, bu başlangyjyň maksady girdeji däl-de, daşky gurşawa ýetýän zyýanly täsiri azaltmakdyr: çig malyň bir bölegi gaýtadan işlenenden soň önümçilikde ulanylar...

düýn 13:44
3.5k+

Täze Lexus NX 2026 krossoweri hödürlendi

Lexus Hytaýda 2026-njy model ýylynyň NX krossowerini hödürledi. Awtomobil 299,8 müň ýuandan 509,8 müň ýuana çenli (takmynan, 42 müň ABŞ dollaryndan 71 müň dollara çenli) baha bilen alty görnüşde çykarylar. Model uly radiator gözenegi we matrisa çyralary bilen markanyň firma dizaýnyny saklap galdy...

25.08.2025 13:33
7.3k+

Bugatti we Jacob&Co ýüzlerçe göwher bilen Tourbillon giperkarynyň stilinde sagat döretdi

Bugatti kompaniýasy we onuň şweýsariýaly hyzmatdaşy Jacob&Co sagat öýi täze Tourbillon Baguette sagadyny hödürledi. Bu Tourbillon giperkarynyň stilinde döredilen ikinji modeldir. Bu sagatdan bary-ýogy 18 nusga çykarylar, olaryň her biri ýüzlerçe göwher bilen bezeler...