Geljek birnäçe ýylda Land Cruiser ady, öň bu meşhur ulag maşgalasy bilen baglanyşykly bolmadyk iki täze modelde peýda bolar. "Best Car Web" neşiriniň habaryna görä, Toyota öz hataryna pikaby we göteriji kuzowly (çarçuwasyz) üç hatarly krossoweri goşar. Deslapky maglumatlara görä, bu ulaglar esasan Demirgazyk Amerika bazaryna gönükdirilendir.
ABŞ-da kompaniýanyň eýýäm uly Grand Highlander krossoweri bar, ýöne täze çarçuwasyz Land Cruiser awtoulagynyň ondan-da uly bolmagyna garaşylýar. Land Cruiser-iň häsiýetine we daşky stiline eýe bolan, ýöne agyr çarçuwa we ýokary ýolsuzlyk mümkinçiliklerine mätäç bolmadyk, gündelik ulanyşda rahatlyga ähmiýet berýän adamlar üçin döredilýär.
Ulag Göteriji kuzowly (çarçuwasyz) bolar. Ol 2026-njy ýylda bazara çykarylmagyna garaşylýar.
Geljekki pikap hem göteriji kuzowy alar we Hyundai Santa Cruz ýaly modeller bilen bäsleşer. Hilux we Tacoma ulaglaryndan tapawutlylykda, ol esasan şäher gurşawy we işjeň dynç almak üçin işlenip düzülýär. Göteriji kuzowly (çarçuwasyz) bolar.
Krossoweriň 2027-nji ýylda bazara çykarylmagyna garaşylýar.
Iki täze model hem Toyota-nyň 2023-nji ýylda Japan Mobility Show sergisinde görkezen EPU we Land Cruiser Se konseptlerine esaslanyp döredilýär. Bu prototipler elektrik hereketlendirijileri bilen enjamlaşdyrylypdy.
Köpçülikleýin önümçilik görnüşleriniň ýa elektrik awtoulaglary, ýa-da gibridleriň täze nesli bolmagyna garaşylýar.
