Iş gününiň dowamlylygy we geçirilýän maslahatlaryň sany işgärleriň pandemiýa sebäpli “uzak aralykdan işlemek” düzgünine geçirilmeginiň netijesinde ýokarlandy. Bu barada Ykdysady barlaglaryň milli býurosyna salgylanmak bilen Bloomberg agentligi habar berýär. Muny gazeta.ru ýetirýär.
Býuronyň analitikleri Ýewropanyň, Ysraýylyň, ABŞ-nyň 16 şäherinde 20 müň kompaniýanyň işini öwrendiler we 3,1 mln adamyň işine gözegçilik etdiler. Olar sekiz hepdeden iki döwrüň içinde, ýagny ilkibaşda koronawirus çökgünliginden öň we soňundan işgäriň iş ýüküne üns berdiler. Geçirilýän maslahatlaryň sanyny we dowamlylygyny, elektron ýazgylaryň göwrümini we beýleki ölçegleri deňeşdirip, gözegçilik edijiler iş güni ortaça 48,5 minut uzaldy, maslahatlaryň sany 13% artdy, iberilýän elektron hatlaryň sany tas bir ýarym esse köpeldi diýen netijä geldiler.
Şunuň bilen birlikde, ABŞ-nyň käbir şäherlerinde işgärleriň iş güni başdaky ýagdaýlaryna eýýäm dolandy. Ýöne, meselem, Nýu-Ýork we San-Hosede Ýewropadaky ýaly adamlar artyk işlemegi dowam etdirýärler.
