«Agzybirlik tilsimaty» kompaniýasynyň başlangyç önümçilik kuwwaty 200 müň personal kompýutere deň

  • 25.07.2020 14:58
  • 23k+

«Agzybirlik tilsimaty» bilelikdäki kärhanasy 200 müň personal kompýuterden ybarat bolan başlangyç önümçilik kuwwaty bilen döwlet bazaryna çykdy we daşary ýurt dilerleriniň ünsüni özüne çekmegi başardy. Türkmen kompýuter kompaniýasyna şeýle gyzyklanma logistika hem-de daşary ýurt analoglary bilen deňeşdirilende, 20% arzan bolan bahasy bilen şertlenendir.

Häzirki wagtda kompaniýa ýurdumyzyň birinji synp okuwçylary üçin noutbuklaryň uly tapgyryny taýýarlaýar. Öň, bu kompýuterler daşary ýurtlardan getirilýärdi, 2019-njy ýyldan başlap, olar hususy önümçiligimizdäki döwlet noutbuklary bilen çalşyryldy, diýip ORIENT habar berýär. 

Şu ýylda «Agzybirlik tilsimaty» noutbuklarda hususy inženerler tarapyndan işlenilen original plata shemasyny ulanyp, prosessoryň kuwwatlylygyny hem-de operatiw ýadyň göwrümini ýokarlandyrmak bilen noutbuklaryň modellerini kämilleşdirdi. Bilim gurşawynyň hünärmenleri tarapyndan bilelikde taýýarlanylan köp sanly okuw programmalary ykjam kompýuterleri kiçi synplaryň okuwçylary üçin hakyky kömekçä öwürýär.

«Agzybirlik tilsimaty» öz önümlerini patentledýär. Kärhananyň ýokary tejribeli hünärmenleri Hytaýyň milli reýtinginiň birinji setirini eýeleýän hem-de dünýäniň bilim reýtinglerinde orun alýan Sinhua uniwersiteti tarapyndan şahadatnama eýe boldular. 

«Agzybirlik tilsimaty» kärhanasynyň işgärleri üçin Microsoft we Intel ýaly daşary ýurt hyzmatdaşlary bilen bilelikde yzygiderli hünär ýokarlandyryş bilen bagly web-konferensiýalar hem-de maslahatlar geçirilýär. 

ORIENT-iň habar bermegine görä, häzirki wagtda 2000 sany PK tapgyry tabşyrmak üçin taýýar edilipdir. Komýuteriň platasy hem-de korpusy kärhananyň özi tarapyndan taýýarlanylan, bu kärhanada 12 görnüşli modelleriň toplumy bar. Monitorlar 24 we 27 dýuým ölçeglerinde. Hususy önümçilik işiniň tutuş toplumy klawiaturalar hem-de kompýuter syçanjyklary üçin özleşdirilen. Bilelikdäki kärhana sargyt edilen ýagdaýynda planşetleri hem-de serwer enjamlaryny çykarmak işini hem ýola goýmaga taýýar.

Ýylyň ahyryna çenli bu ýerde monobloklaryň önümçiligini işe girizmek meýilleşdirilýär. Häzir onuň modeli taýýarlanylýar, minimal trendinde onuň owadanlygynyň üstünde işlenilýär. BK-da önümiň hili we daşky görnüşi boýunça ulanyjylaryň islegini kanagatlandyrmak üçin ähli tagallalar edilýär.

Häzir kärhana döwlet sargytlarynyň üstünde işleýär, şeýle-de hususy telekeçiler üçin 5000-6000 personal kompýuterlerine şertnama baglaşmak boýunça gepleşikleri alyp barýar. Döwlet kärhanalary we hususy telekeçiler üçin BK diagonaly 13-15,6 dýuým ekranly noutbuklary çykarar.

«Agzybirlik tilsimaty» brendi bilen tor enjamlary — köp portly, gigabitli optiki kommutatorlar, şeýle-de söwda torunyň awtomatlaşdyrylmasy üçin programma we tehniki ulgamlary: kassa enjamlary, POS-terminallary, çek-çap ediji gurluşlary, pul gutulary, ştrih kodlary skanerleýjiler, ştrih-kodlary çap ediji gurluşlar we ş.m çykarylýar.

Belläp geçsek, «Agzybirlik tilimaty» kompaniýasy 2018-nji ýylda esaslandyryldy.

03.06.2025 20:52
3.8k+

Raibo atly koreýaly robot it diwaryň ýüzünden ylgamagy we parkury özleşdirdi

Günorta Koreýanyň Robototehnika we emeli aň barlaghanasynda işlenip taýýarlanan dört aýakly robot Raibo parkury özleşdirdi. Ol dik diwaryň ýüzünden ylgap, 1,5 metre çenli beýiklikdäki päsgelçiliklerden böküp we daşlyk ýerlerde hereket edip bilýär diýip, Science Robotics žurnalynda aýdylýar...

02.06.2025 13:37
3.1k+

Ýapon alymlary islendik adama dogry geljek emeli gany synagdan geçirýärler

Ýaponiýada emeli ganyň kliniki synaglaryna başlamaga taýynlanýarlar. Professor Hiromi Sakainiň ýolbaşçylygyndaky Nara lukmançylyk uniwersitetiniň hünärmenler toparynyň işläp taýýarlamasy, esasanam, adatdan daşary ýagdaýlarda we uzak sebitlerde donor ganynyň ýetmezçiliginiň meselesini çözüp biler...

31.05.2025 16:39
2.2k+

Alymlar derini, süňkleri we beýleki dokumalary 3D bio çap etmek üçin täze materiallary döretdiler

N.I.Lobaçewskiý adyndaky Milli barlag Nižegorod döwlet uniwersitetiniň himikleri (UNN) derini, süňkleri, gan damarlaryny we beýleki dokumalary 3D bio çap etmek üçin material döretdiler. Bu barada uniwersitetiň metbugat gullugy habar berdi...

28.05.2025 12:08
3k+

Google we Samsung-yň täze akylly äýnegi teksti terjime edýär, ugry we howany görkezýär

Google I/O konferensiýasynda Google we Samsung kompaniýalary Android XR platformasyna esaslanýan akylly äýnegiň prototipini görkezdi. Ol adaty äýnege meňzeýär, ýöne onuň sapy ýogyn bolup, onda görüş meýdanyny ýapmazdan maglumatlary görkezmek üçin tehnologiýa gizlenýär...