Ulagyň "derdini" tüssesiniň reňkinden nädip anyklamaly?

  • 19.07.2020 23:33
  • 16k+

Zyňyndy gazlaryň reňki hereketlendirijiniň (motoryň) ýagdaýyny ýa-da awtoulagda nähilidir bir näsazlyklaryň bardygyny aç-açan aýdyp bilýär, şonuň üçin, ynha, şu ýönekeýje düzgünleri ýatda saklamak gerek. Muny popmech.ru ýetirýär.

Sowuk howada hereketlendiriji gyzdyrylýarka, köplenç, gaz çykýan turbadan ak tüssäniň göterilýändigini görýäris. Beýle ýagdaýda zyňyndy gazlara bug reňk berýär – bu adaty ýagdaý bolup, asla näsazlygyň alamaty däldir. Ýöne ýokary temperaturaly howada şeýle tüsse görünse, onda hereketlendirijide sowadyjy suwuklygyň silindrlere barşyny barlamak artykmaçlyk etmez.
Zyňyndy gazlaryň gök reňde bolmagy ýanyş kamerasyna ýag girendigini görkezýär. Adat bolşy ýaly, bu ýagyň sarp edilişiniň ýokarlanmagy we silindrlerde gysyşyň peselmegi bilen baglanyşykly ýüze çykýar. Şeýle ýagdaý ýag çykaryjy klapanlaryň çeýeliginiň ýitmegi, karteriň şemalladyş ulgamynyň näsaz işlemegi we pes hilli motor ýagynyň ulanylmagy sebäpli halkalaryň kokslanmagy ýaly sebäpleriň netijesinde ýüze çykyp bilýär.
Gara tüsse garyndy emele getirişde näsazlygyň bardygyny görkezýär. Häzirki zaman awtoulaglarynda garyndynyň parametrleri elektron görnüşinde dolandyrylýar, şonuň üçin çykýan gazlaryň gara reňki datçikleriň ýa-da ýangyç ulgamynyň beýleki bölekleriniň näsazlygyny alamatlandyrýar. Şeýle hem, gara tüssäniň peýda bolmagy pes hilli ýangyç bilen hem baglanyşykly bolup bilýär.

düýn 21:31
10k+

Taksi bolan Mercedes 2 mln km-den gowrak ýol geçipdir, ýöne Finlýandiýanyň salgyt edarasy muňa ynanmady

Ozal Germaniýada taksi hökmünde ulanylan Mercedes-Benz E-Class 2,2 mln kilometrden gowrak ýol geçip, işe ukyply ýagdaýda galdy. Häzir awtomobil Finlýandiýada diýip, “Ilta-Sanomat” neşiri ýazýar. Ulagyň eýesi – ulanylan “Mersedesleri” satmak bilen meşgullanýan 36 ýaşly işewür Wille Rýaýsýanen...

düýn 16:15
5.5k+

Mercedes-Benz täze ulaglaryň önümçiligi üçin köneleri söküp başlar

Mercedes-Benz konserni Germaniýada köne awtomobilleri sökmek boýunça synag taslamasynyň işe girizilendigini habar berdi. Resmi maglumatlara görä, bu başlangyjyň maksady girdeji däl-de, daşky gurşawa ýetýän zyýanly täsiri azaltmakdyr: çig malyň bir bölegi gaýtadan işlenenden soň önümçilikde ulanylar...

düýn 13:44
3.5k+

Täze Lexus NX 2026 krossoweri hödürlendi

Lexus Hytaýda 2026-njy model ýylynyň NX krossowerini hödürledi. Awtomobil 299,8 müň ýuandan 509,8 müň ýuana çenli (takmynan, 42 müň ABŞ dollaryndan 71 müň dollara çenli) baha bilen alty görnüşde çykarylar. Model uly radiator gözenegi we matrisa çyralary bilen markanyň firma dizaýnyny saklap galdy...

25.08.2025 13:33
7.3k+

Bugatti we Jacob&Co ýüzlerçe göwher bilen Tourbillon giperkarynyň stilinde sagat döretdi

Bugatti kompaniýasy we onuň şweýsariýaly hyzmatdaşy Jacob&Co sagat öýi täze Tourbillon Baguette sagadyny hödürledi. Bu Tourbillon giperkarynyň stilinde döredilen ikinji modeldir. Bu sagatdan bary-ýogy 18 nusga çykarylar, olaryň her biri ýüzlerçe göwher bilen bezeler...