Niva Ladanyň maşgalasyna gaýdyp geldi

  • 11.07.2020 23:00
  • 11k+

Tolýattidäki “AvtoVAZ” kompaniýasy iýul aýynda Lada markasy bilen Niva awtoulaglaryny öndürip başlady, bu barada Russiýanyň awtoulag konserniniň metbugat gullugy anna güni habar berdi, diýip sputnik.by belleýär.
Bu ulag soňky 15 ýyldan gowrak wagtyň dowamynda Amerikanyň “General Motors” we “Wolga” awtoulag zawodynyň bilelikdäki kärhanasynyň çäginde döredilenligi sebäpli amerikan markasy bilen – “Chevrolet Niva” hökmünde öndürilipdi. “General Motors” Russiýa bazaryndan çykansoň, “AvtoVAZ” geçen ýylyň dekabrynda bilelikdäki kärhanadaky ABŞ-nyň paýyny yzyna satyn almak barada şertnama baglaşdy.
Awtozawodyň beýannamasynda "Radiator paneli we rul indi LADA nyşany bilen belli üç ölçegli gaýyk görnüşinde bezeldi" – diýip habar berilýär.
Niva 2123 “AvtoVAZ”-da işlenip düzülip, ol 2000-nji ýylda “Lada” markasy bilen bile öndürilip başlanypdy. Ýöne iki ýyldan soň “GM” şereketi bilen bilelikdäki kärhanada “Chevrolet” hökmünde çykarylyp başlandy. Adamlar “Chevrolet” hem-de “Niva” sözlerini goşup, ulagy "Şniva" diýip atlandyrdylar. “General Motors” 2015-nji ýylda Russiýany terk edensoň, kärhana amerikan konserniniň iň soňky rus aktiwi bolup galdy. 2018-nji ýylda bu awtoulagyň öndüriliş mukdary 31,9 müňe ýetipdi.
2014-nji ýyldan bäri “AvtoVAZ” topary “Renault-Nissan-Mitsubishi” bileleşiginiň agzasy bolup, dört marka - Lada, Renault, Nissan we Datsun ýaly awtoulaglary öndürýär. Toparyň önümçilik desgalary Tolýattide – “AvtoVAZ” paýdarlar jemgyýetinde we Ižewskde – “Lada Izewsk” LLC-de ýerleşýär.

düýn 21:31
14k+

Taksi bolan Mercedes 2 mln km-den gowrak ýol geçipdir, ýöne Finlýandiýanyň salgyt edarasy muňa ynanmady

Ozal Germaniýada taksi hökmünde ulanylan Mercedes-Benz E-Class 2,2 mln kilometrden gowrak ýol geçip, işe ukyply ýagdaýda galdy. Häzir awtomobil Finlýandiýada diýip, “Ilta-Sanomat” neşiri ýazýar. Ulagyň eýesi – ulanylan “Mersedesleri” satmak bilen meşgullanýan 36 ýaşly işewür Wille Rýaýsýanen...

düýn 16:15
6.5k+

Mercedes-Benz täze ulaglaryň önümçiligi üçin köneleri söküp başlar

Mercedes-Benz konserni Germaniýada köne awtomobilleri sökmek boýunça synag taslamasynyň işe girizilendigini habar berdi. Resmi maglumatlara görä, bu başlangyjyň maksady girdeji däl-de, daşky gurşawa ýetýän zyýanly täsiri azaltmakdyr: çig malyň bir bölegi gaýtadan işlenenden soň önümçilikde ulanylar...

düýn 13:44
3.8k+

Täze Lexus NX 2026 krossoweri hödürlendi

Lexus Hytaýda 2026-njy model ýylynyň NX krossowerini hödürledi. Awtomobil 299,8 müň ýuandan 509,8 müň ýuana çenli (takmynan, 42 müň ABŞ dollaryndan 71 müň dollara çenli) baha bilen alty görnüşde çykarylar. Model uly radiator gözenegi we matrisa çyralary bilen markanyň firma dizaýnyny saklap galdy...

25.08.2025 13:33
7.5k+

Bugatti we Jacob&Co ýüzlerçe göwher bilen Tourbillon giperkarynyň stilinde sagat döretdi

Bugatti kompaniýasy we onuň şweýsariýaly hyzmatdaşy Jacob&Co sagat öýi täze Tourbillon Baguette sagadyny hödürledi. Bu Tourbillon giperkarynyň stilinde döredilen ikinji modeldir. Bu sagatdan bary-ýogy 18 nusga çykarylar, olaryň her biri ýüzlerçe göwher bilen bezeler...