Zarýadlandyrmasyz smartfonuň iş wagtyny nädip uzaltmaly?

Smartfonuň modeline bagly bolmazdan, islendik ýagdaýda-da onuň önümçiligini ýokarlandyrmak we goşmaça zarýadlamasyz iş wagtyny uzaltmak bolýar diýip, hünärmenler belleýärler. Bu barada online47.ru habar berýär.
Olaryň aýtmagyna görä, munuň üçin birinjiden, ulanmaýan ähli programmalaryňy aýyrmaly. “Ir-u-giç olar internete çykýarlar we dürli hasabatlary iberýärler, täzeläp durmagy we beýlekileri soraýarlar. Olary aýyrmak bilen 10%-e çenli zarýad wagtyny tygşytlamak bolýar” – diýip hünärmenler aýdýar.
Ikinjiden, fon režiminde gerek programmalaryň işlerini çäklendirmek gerek – bu messenjerler, internet torlary, karta we programmalar, şeýle-de gözleg serwisleri bolup biler. Bu telefonyň zarýadlamasyz ulanylyş wagtyny 20-30% ýokarlandyrar.
Üçünjiden, goşmaça ulgamlaýyn serwisleri – NFS, GPS, bluetooth we Wi-fi – öçürmeli hem-de telefonuň ýagtylygyny-da peseltmeli. Zerur bolýança, mobil maglumatlaryny iberijini, ýagny interneti hem öçürmek bolar. Bu zarýady 50%-e çenli tygşytlar.
Dördünjiden, telefonuň apparat mümkinçiliklerinden, energiýany tygşytlaýjy režimden peýdalanmaly we täzelenme işlerine seredip durmaly. Belli bolşy ýaly, telefonuň içini täzeleme modeli köne bolan telefonlar üçin energiýanyň köp sarp edilmegine getirýär. Käbir täzeleme işlerine ähmiýet bermeseň hem bolar.
“Bu dört sany ýönekeý düzgün gajetiň işe ukyplylygyny zarýadlamasyz iki-üç esse ýokarlandyrmaga kömek eder” – diýip hünärmenler belleýär.
Ýaňy-ýakynda hünärmenler smartfonuň tutuş gije zarýadlanmasynyň howplulygyny bahalandyrdylar. Olaryň aýtmagyna görä, bu onuň işine negatiw täsir edip biler. Gije zarýada goýlan wagtynda smartfonda uçuş režimini ýakmak maslahat berilýär, bu signallaryň ýaýramagyny çäklendirmäge kömek eder. Öndürijiler zarýadyň derejesini 20-30 göterimden pese düşürmezligi we telefony doly derejede öçmeklige ýetirmezligi maslahat berýärler.