Türkmenistanda ilatyň ähli toparlarynyň saglyk ýagdaýyna baha bermek üçin öňüni alyş lukmançylyk barlaglaryny we goşmaça barlag usullaryny öz içine alýan çäreler toplumy durmuşa geçirilýär.
Birinji tapgyrda ýurdumyzyň orta mekdepleriniň okuwçylary, ýokary okuw mekdepleriniň talyplary we harby gullukçylar lukmançylyk gözegçiliginden geçirilmäge girişildi. Häzir bu işler dowam edýär. Ikinji tapgyrda şeýle barlaglary guramalarda we edaralarda işleýänleriň arasynda, üçünji tapgyrda bolsa, uly ýaşly adamlaryň arasynda geçirmek meýilleşdirilýär.
Öňüni alyş barlaglaryny pediatrlar, terapewtler, stomatologlar, oftalmologlar, gulak-burun-bokurdak we beýleki degişli ugurlaryň hünärmenleri geçirýärler. Saglyk ýagdaýlary ýaramazlaşmagy ýüze çykarylanda aýry-aýry raýatlar lukmanlaryň dispanser gözegçiligine alynýar hem-de goşmaça barlaglardan geçirilýär, zerur bolsa olara gatnaw we ýatymlaýyn bejergiler berilýär.
Okuwçylary, talyplary we harby gullukçylary lukmançylyk gözegçiliginden geçirmek işi dowam edýär
- 06.05.2020 12:47
- 10k+
