Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 46-sy hasaba alyndy.
Daşary ýurt puluna Birleşen Arap Emirliklerinden gelen telekeçiler («Türkmensenagat eksport-import») karbamidi satyn aldylar. Azerbaýjandan, Owganystandan, Gruziýadan, Gyrgyzystandan, BAE-den, Russiýadan we Türkiýeden gelen işewürler dokma önümlerini we nah ýüplügini satyn aldylar. Geleşikleriň jemi bahasy ABŞ-nyň 2 million 375 müň dollaryna deň boldy.
Manat serişdelerine Ermenistandan, Beýik Britaniýadan, Kanadadan, Birleşen Arap Emirliklerinden we Türkiýeden gelen işewürler 25 million manatlyk nah ýüplügini satyn aldylar.
Ýurdumyzyň telekeçileri içerki bazar üçin jemi bahasy 8 million 709 müň manatlyk “Türkmengaz” döwlet konserninde öndürilen polietileni, pagta süýümini we gurluşyk materiallaryny satyn aldylar.
Geçen hepde boýunça Türkmenistanyň birža täzelikleri
- 02.05.2020 22:59
- 3.1k+
