Состоялась онлайн-встреча с Генсеком Энергетической Хартии

Daşary işler ministrliginde Energetika Hartiýasynyň Baş sekretary Urban Rusnak bilen wideomaslahat görnüşinde geçirilen duşuşykda energetika ulgamynda halkara hyzmatdaşlygynyň, Energetika Hartiýasynyň Ylalaşygyny döwrebaplaşdyrmagyň wajyp meseleleri boýunça pikir alşyldy. Taraplar ählumumy gün tertibiniň dünýä bazarlaryna täsirini hem-de abraýly guramalaryň çäklerinde mundan beýläkki hyzmatdaşlygyň meýilnamalaryny ara alyp maslahatlaşdylar.
Duşuşyga Türkmenistanyň Prezidentiniň nebitgaz meseleleri boýunça Geňeşçisi, birnäçe ministrlikleriň we pudaklaýyn dolandyryş edaralarynyň, şol sanda Daşary işler, Maliýe we ykdysadyýet, Adalat, Energetika ministrlikleriniň, şeýle hem «Türkmengaz» we «Türkmennebit» döwlet konsernleriniň ýolbaşçylary bar hem-de hünärmenleri gatnaşdylar.
Energiýa serişdelerini üstaşyr geçirmegiň halkara-hukuk taýdan kadalaşdyrylmagy ileri tutulýan ugurlaryň hatarynda görkezildi. Munuň özi häzirki wagtda Ýewropanyň we Aziýanyň onlarça ýurduny birleşdirýän energetika hartiýasynyň gaýragoýulmasyz wezipeleriniň biri bolup durýar. Şunuň bilen baglylykda, Prezident Gurbanguly Berdimuhamedowyň energiýa serişdelerini dünýä bazarlaryna ibermegiň ygtybarlylygynyň hem-de goraglylygynyň kepillikleri barada öňe süren başlangyçlarynyň ähmiýeti nygtaldy. Bular BMG-niň Baş Assambleýasynyň degişli Kararnamalarynda berkidildi.