Bütindünýä saglygy goraýyş guramasy medisina maskalarynyň koronawirusdan goragy kepillendirmeýändigini belleýär, ýöne olary keseliň alamaty bar bolan adamlar dakynmaly. Maskalar, ilkinji nobatda, özüňi däl-de, beýlekileri goramak üçin gerek.
“Sagdyn adamlara maska dakmak hökman däl. Keseliň alamaty bar bolan adamlar beýlekileriň goragy üçin maskany dakynmaly. Şeýle-de, kesellilere seredýän adamlar hem maskany dakynmaly, meselem, öýde seredýänler, sebäbi olar hem keselläp bilýärler” – diýip, BSGG-nyň resmi wekili belleýär.
Onuň aýtmagyna görä, maskanyň özi wirusdan goragy kepillendiriji bolup hyzmat edenok, ol eliňi ýygy-ýygydan ýuwmak ýaly beýleki çäreler bilen bilelikde peýdalanylmaly.
Ol maska, gorag äýnekleri, geýim we ellik ýaly zerur bolan medisina esbaplary bilen ilkinji nobatda medisina işgärlerini üpjün etmelidigini sözüniň üstüne goşýar. Munuň üçin bolsa bu materiallaryň raýatlar tarapyndan satyn alynmasyny çäklendirmeli, diýip РИА Новости habar berýär.
Şeýle-de, ol maskany dakynyp bilmeýän adamlaryň adatdakysyna garanda ellerini has köp ýüzüne degirjekdiklerini belleýär.
BSGG-niň wekili lukmanlary ýeterlik derejede zerur bolan serişdeler bilen üpjün eder ýaly, raýatlary maskalary köp satyn almaklygy bes etmäge çagyrýar.
BSGG medisina maskalarynyň sagdyn adamlara näme üçin gerek däldigini düşündirdi
- 05.04.2020 13:08
- 11k+
