Insultdan goranmagyň iň gowy usuly anyklanyldy

Osaki uniwersitetiniň ýapon alymlary infarktdan we insultdan goranmagyň täze usulyny aýtdylar. Bularyň öňüni almakda iň gowy serişde günde gyzgyn wanna girmeklik eken.
Alymlar gyzgyn suwuň astynda azrak bolmak gan basyşy kadalaşdyrýar we ýürek-damar sistemalarynyň saglygyny gowulandyrýar diýip hasaplaýarlar. Bu barada cursorinfo ýazýar.
Bu netije 45-59 ýaş aralygyndaky 43 müň meýletinçä köp ýyllaryň dowamyndaky gözegçiligiň esasynda alyndy. Barlag geçirilen wagtynda insultdan 1769 adam ýogaldy. Ýüregiň birden durmagy 53 sany respondentde, infarkt bolsa 275 sanysynda bellige alyndy. Günde gyzgyn wanna girmeklik bu ýürek tutma howpuny 35%, ýyly wanna girmek 26% peseltdi. Şeýlelik bilen ýürek keseliniň güýçlenmek ähtimallygy 28% azaldy.
Ýaponiýada gyzgyn wanna girmeklik giňden ýaýran. Suwa güýjüň ýetişi boýunça girmeli. Temperaturany indiwidual saýlamaly, çünki şeýle suw sebäpli aň bulaşyklygy ýüze çykyp bilýär.
Öň biz sagdyn durmuşy alyp barýan erkekleriň we aýallaryň 80-e çenli ýaşap bilýändiklerini we bu ýaş aralygyny agyr keselsiz geçirip bilýändiklerini habar beripdik. Zyýanly endikden ýüz öwürmeýänler bolsa, bulara garanda 10 ýyl az ýaşarlar.