Garrama meselesi bilen iş çalyşýan Kanadanyň alymlary gök önümleri we miweleri az iýýän adamlaryň beýlekilere garanda howsalaly bozulmalardan has köp ejir çekýändiklerini kesgitlediler.
Kähalatlarda ýagdaý has çylşyrymlaşýar, netijede oňa degişli diagnoz goýýarlar. Bu barada cursorinfo.co.il habar berýär.
Canadian Longitudinal Study on Aging shows-yň hünärmenleri miweleriň we ir-iýmişleriň ýeterlik mukdarynyň iýmitde ulanylmagy bilen hatda düýpli sebäp bolmasa-da döreýän hemişeki howsalaly ýagdaýyň arasyndaky baglanyşygy tapmak üçin köp wagt sarp etdiler.
Alymlaryň nygtamagyna görä, psihiki bozulmanyň bu görnüşiniň öňüni almak üçin her günde üç sany dürli miwäni iýmeli.
Şeýlelik bilen, siziň islendik biderek zat üçin alada etmegiňiziň mümkinçiligi haýsy-da bolsa bir sebäp bilen ösümlik rasionyndan ýüz öwürýänler bilen deňeşdirilende 24% peseler.
Ýatladyp geçsek, amerikan alymlary gyzyl-mämişi miweleriň we gök önümleriň beýniniň sagdynlygyna oňaýly täsir edýändigini subut edýän barlagy geçirdiler. Ekspertler oňa gatnaşyjylaryň saglyk ýagdaýyna 20 ýyl gözegçilik etdiler. Rasionynda gyzyl-mämişi reňkdäki miweler we gök önümler bolan adamlar ýat meselesinden tas 50% seýrek ejir çekýärdiler. Şonuň bilen birlikde, rasionda esasy orun her gün içilmesi zerur bolan apelsin suwuna degişli.
Lukmanlar gök önümleri iýmezligiň näme üçin howpludygyny duýdurdylar
- 31.03.2020 05:59
- 6.2k+
