Kefiriň öň nämälim alamatlary ýüze çykaryldy

Kefiriň köp sanly peýdaly alamatlary ylma öňden hem belli. Muňa garamazdan, ýaňy-ýakynda geçirilen barlaglar bu turşy süýt önüminiň kabul edilmeginiň ýene bir oňaýly tarapyny ýüze çykardy.
Bu geçirilen barlagyň netijeleri internet-çeşmelerinde neşir edildi. Bu barada belnovosti.by saýty habar berýär. Alymlaryň aýtmagyna görä, bu içgi immuniteti berkitmäge kömek edýär. Mundan başga-da, kefir özüniň antibakterial häsiýeti bilen tapawutlanýar.
Bu häsiýet sarymsak, konserwirlenen balyk we duza ýatyrylan kelem ýaly önümlere-de mahsus.
Kefiriň düzüminde iýmit siňdiriji organlaryň ýagdaýyny we aşgazanyň mikroflorasyny gowulandyrýan mikroorganizmler saklanýar. Bu bakteriýalar immunitete oňaýly täsir edýärler. Netijede, adam organizmi wiruslardan we kesellerden gowy baş çykaryp bilýär.
Şeýle mikroorganizmler başga bir süýt önüminde, ýagny ýogurtda hem saklanýar.
Eger balyk konserwalary barada gürrüň edilse, onda alymlar skumbriýanyň we sardinanyň peýdasynyň bardygyny belläp geçýärler. Bu önümler doýgun däl ýag kislotalary omega-3-iň ýokary düzümi bilen tapawutlanýarlar. Birleşme leýkositleri has işjeňleşdirýär, netijede immunitet berkeýär.