Amerikan alymlary şizofreniýanyň täze görnüşini ýüze çykardylar

Pensilwaniýa uniwersitetiniň Perelman Medisina mekdebiniň hünärmenler topary geçirilen barlaglaryň dowamynda şizofreniýanyň öň näbelli bolan görnüşini ýüze çykardylar, ýagny onuň bu görnüşi üçin beýniniň göwrüminiň “ýitmegi” häsiýetli däl.
Öň ylma şizofreniýa bilen keselli adamlarda kelle beýnisindäki çal maddanyň möçberiniň peselýändigi bellidi. Hut şu hem kognitiw funksiýalaryň bozulmagynyň esasy sebäbi bolup durýar, bu barada MediaPotok portaly ýazýar.
Geçirilen barlagyň çäklerinde ady agzalan keseli bolan 306 sany meýletinçiniň maglumatlary öwrenildi. Eksperimente gatnaşyjylar Germaniýanyň, HHR-iň we ABŞ-nyň ýaşaýjylary bolup, olaryň ýaşy 45-den geçýärdi. Mundan başga-da, alymlar 364 sany sagdyn adamdan ybarat bolan barlag toparyny hem döretdiler.
Barlaga gatnaşyjylaryň ählisine MRT-skanlaryny etdiler. Onuň netijesinde, näsaglaryň 40%-niň beýnisiniň daşky bozulmalara eýe däldigi anyklanyldy. Ol öz göwrümini, gurluşyny we massasyny şol bolşuna saklapdyr. Näsazlyk kelle beýnisiniň ýarym şarlarynyň esasy ýadrolaryna degişli bolan zolak jisimiň ösüşinde bellige alyndy. Zolak jisim agram düşmäniň esasynda işläp başlaýar. Onuň işiniň bozulmagy Parkinsong keseliniň, Turetta we beýleki birnäçe bozulmalaryň alamatlarynyň ýüze çykmagyna getirýär diýip alymlar belleýärler.
Öň MediaPotok portaly şizofreniýanyň beýniniň neýronlarynyň arasyndaky aragatnaşygyň esasynda beloklaryň derejesiniň peselmegine getirýändigi barada hem habar berdi.