Lukmanlar gajetleriň çaganyň beýnisine nähili täsir edýändigini anykladylar

Täze geçirilen barlaglar alymlaryň planşetleri, smartfonlary çendenaşa köp ulanmagyň, hatda telegepleşiklere köp tomaşa etmegiň hem çagalaryň akyl ukybynyň bozulmagyna getirýändigi baradaky pikirini tassyklady.
Sinsinnati (ABŞ) Çagalar hassahanasynyň hünärmenleri 3-5 ýaşly 27 sany gyzjagazyň we 20 sany oglanjygyň gatnaşmagynda barlag geçirdiler, bu barada lenta.ua saýtyna salgylanmak bilen cursorinfo.co.il habar berýär.
Çagalar akyl ukyby bilen bagly testden geçdiler, soňra kelle beýnisiniň MRT-barlagy geçirildi, ene-atalar bolsa çagalarynyň gajet ekranlarynyň öňünde geçirýän anyk wagtyny görkezmelidi.
Barlagyň jemi oňaýly netijäni görkezmedi. Ýagny, çagalaryň ählisinde diýen ýaly kognitiw ukyplarynyň peselendigi ýüze çykaryldy. Üstesine-de, çagalar gajetleri elinden düşürmän näçe köp wagt geçirseler, olara täze informasiýalary ýatda saklamak, öz pikirlerini we sözlemlerini dogry gurnamak şonça-da kyn bolýar.
MRT-barlaglar nerw impulslarynyň geçirilmegine jogap berýän neýronlaryň mielin gabyklarynyň emele gelmeginde möhüm bölek bolup durýan ak beýni maddasynyň bitewiliginiň peselýändigini görkezdi. Netijeleri seljermek bilen, lukmanlar şeýle netijä geldiler, ýagny beýniniň ak madda ýetmezçiligi çagalaryň akyl ukybynyň peselmegine getirýän esasy sebäp bolup durýar.
Pediatrlar 2-5 ýaşly ýagalar üçin gajetleri bilen geçirilýän wagty bir gije-gündizde bir sagada çenli çäklendirmegi maslahat berýärler.