Ýaponiýa koronawirusyň barlygyny 50 minutda ýüze çykarýan reagenti işläp taýýarlaýar

Ýaponiýanyň Tosoh Corp. himiki kompaniýasy COVID-2019 koronawirus ýokanjynyň barlygyny 50 minuda ýetmän ýüze çykarmaga ukyply täze reagentiň üstünde işleýär. Belläp geçsek, häzirki bar bolan analizler alty sagada çekýär, diýip Trend agentligi Ria Nowostä salgylanyp habar berýär.
«Tosoh garşylyklaýyn transkripsiýanyň transkripsiýasy usulynyň kömegi bilen täze koronawirusy ýüze çykarmak üçin reagenti işläp taýýarlap başlady. Onuň netijesinde nuklein turşulyklary ýüze çykarylýar. Bu reagenti we bar bolan TRCReady®-80 testirlemek ulgamyny peýdalanmak arkaly biz öz öňümizde koronawirusy 50 minuda ýetmän ýüze çykarmak wezipesini goýýarys« diýlip metbugat relizinde aýdylýar.
Häzirki wagtda ýapon kompaniýasy bu usuly gysga wagtda norowirus, inçe kesel, jyns ýollary arkaly geçýän inçekesel däl mikrobakterialary we ýokançlary ýüze çykarmaga mümkinçilik berýär.
Häzirki wagta çenli Ýaponiýada COVID-2019 koronawirus ýokanjy 743 adamda ýüze çykaryldy. Şolaryň 634-si Ýokogama ýapon portundaky Diamond Princess syýahatçylyk laýneriniň işgärleri we ýolagçylarydyr.